(vovworld) – ທ່ານພົນໂທ ຫງວຽນຈີ໋ວີ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ຈະນຳໜ້າຄະນະຜູ້ແທນກະຊວງປ້ອງກັນປະເທດ ຫວຽດນາມ ເຂົ້າຮ່ວມການສົນທະນາຫາລືນະໂຍບາຍປ້ອງກັນປະເທດກັບ ອາເມລິກາ ແລະ ຢ້ຽມຢາມ ການາດາ ຢ່າງເປັນທາງການໃນວັນທີ 24/10 - 3/11.
ທີ່ອາເມລິກາ, ຄະນະຜູ້ແທນຈະແລກປ່ຽນບັນດາບັນຫາເຊິ່ງຕ່າງຝ່າຍຕ່າງມີຄວາມສົນໃຈ, ເນື້ອໃນ ແລະ ມາດຕະການຜັນຂະຫຍາຍການຮ່ວມມືປ້ອງກັນຊາດ 2 ຝ່າຍບົນພື້ນຖານບົດບັນທຶກຊ່ວຍຈຳກ່ຽວກັບການຊຸກຍູ້ຮ່ວມມືດ້ານປ້ອງກັນຊາດ ທີ່ໄດ້ເຊັນກັນເມື່ອປີ 2011. ທີ່ການາດາ, ຄະນະຜູ້ແທນຈະແລກປ່ຽນບັນດາທັດສະນະ, ບັນດາບັນຫາເຊິ່ງຕ່າງຝ່າຍຕ່າງມີຄວາມສົນໃຈ, ແລກປ່ຽນບັນດາເນື້ອໃນ ແລະ ມາດຕະການຜັນຂະຫຍາຍການຮ່ວມມືປ້ອງກັນຊາດ 2 ຝ່າຍ. ໃນໄລຍະຢູ່ ອາເມລິກາ ແລະ ການາດາ, ທ່ານພົນໂທ ຫງວຽນຈີ໋ວີ້ງ ແລະ ຄະນະຈະຢ້ຽມຢາມບາງກົມກອງທະຫານເຮືອ, ປ້ອງກັນເຂດນານທະເລ ອາເມລິກາ ແລະ ການາດາ, ຢ້ຽມຢາມກົມກອງຝຶກອົບຮົມກຳລັງເຂົ້າຮ່ວມການເຄື່ອນໄຫວປົກປັກຮັກສາສັນຕິພາບສະຫະປະຊາຊາດຂອງ ການາດາ.