ຫວຽດນາມເສີມຂະຫຍາຍທ່າແຮງຂອງການຕ່າງປະເທດຫຼາຍຝ່າຍ
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ກ່າວຄຳເຫັນທີ່ກອງປະຊຸມ
(vovworld) – ກອງປະຊຸມການຕ່າງປະເທດຫຼາຍຝ່າຍສັດຕະວັດທີ 21 ແລະ ນຳສະເໜີນະໂຍບາຍສຳລັບ ຫວຽດນາມ ໄດ້ສິ້ນສຸດໃນຕອນບ່າຍວັນທີ 12/8. ນີ້ແມ່ນກອງປະຊຸມທົ່ວປະເທດຄັ້ງທຳອິດທີ່ມີຂອບຂະໜາດທົ່ວປະເທດເພື່ອປຶກສາຫາລືກ່ຽວກັບການຕ່າງປະເທດຫຼາຍຝ່າຍ, ພາກສ່ວນສຳຄັນໃນນະໂຍບາຍການຕ່າງປະເທດຂອງ ຫວຽດນາມ, ພ້ອມທັງກໍ່ແມ່ນທ່າອ່ຽງພົ້ນເດັ່ນຂອງການພົວພັນສາກົນໃນສັດຕະວັດທີ 21. ທີ່ວາລະປຶກສາຫາລືຕ່າງໆ, ບັນດາຜູ້ແທນສາກົນແບ່ງປັນບົດຮຽນລ້ຳຄ່າກ່ຽວກັບການຕ່າງປະເທດຫຼາຍຝ່າຍ. ເນື້ອໃນປຶກສາຫາລືສຸມໃສ່ໄຈ້ແຍກບັນດາທ່າອ່ຽງໃຫຍ່ຂອງການຕ່າງປະເທດຫຼາຍຝ່າຍສັດຕະວັດທີ 21, ຜົນງານ ແລະ ບົດຮຽນຂອງການຕ່າງປະເທດຫຼາຍຝ່າຍ ຫວຽດນາມ ໃນໄລຍະໃໝ່, ບັນດາຄຳຮຽກຮ້ອງໃໝ່ສຳລັບການຕ່າງປະເທດຫຼາຍຝ່າຍ ຫວຽດນາມ ແລະ ອາຊຽນ.... ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ສະເໜີໃຫ້ບັນດາ, ກະຊວງ, ຂະແໜງການຕ່າງໆສົມທົບກັນຢ່າງແໜ້ນແຟ້ນຜັນຂະຫຍາຍການເຄື່ອນໄຫວການຕ່າງປະເທດຫຼາຍຝ່າຍໃນໄລຍະຈະມາເຖິງ. ທ່ານກ່າວວ່າ:
“ບັນດາລະບອບ, ເວທີປາໄສຫຼາຍຝ່າຍແມ່ນມີທີ່ຕັ້ງບົດບາດສຳຄັນກ່ວາໃນຊີວິດສາກົນ. ທຸກໆປະເທດ, ທັງໃຫຍ່, ກາງ ແລະ ນ້ອຍລ້ວນແຕ່ປັບປຸງນະໂຍບາຍການຕ່າງປະເທດຕາມທິດຖືເປັນສຳຄັນກ່ວາການຕ່າງປະເທດຫຼາຍຝ່າຍ, ເພີ່ມເຕີມປະສິດທິຜົນບັນດາມາດຕະການຫຼາຍຝ່າຍ. ພວກເຮົາເຫັນແຈ້ງບົດບາດ, ຜົນສະທ້ອນຂອງບັນດາລະບຽບການຫຼາຍຝ່າຍໃນທຸກຂົງເຂດຂອງຊີວິດການເປັນຢູ່ ແລະ ຢູ່ທຸກພາກພື້ນ. ດ້ວຍບົດຮຽນຂອງເພື່ອນມິດສາກົນ ແລະ ພຶດຕິກຳແຫ່ງການຜັນຂະຫຍາຍການຕ່າງປະເທດຫຼາຍຝ່າຍ ປະເທດເຮົາໃນເກືອບ 30 ປີແຫ່ງການປ່ຽນໃໝ່, ພວກເຮົາຮັບຮູ້ບັນດາບົດຮຽນໃຫຍ່ເພື່ອເສີມຂະຫຍາຍທ່າແຮງຂອງການຕ່າງປະເທດຫຼາຍຝ່າຍ.”