(vovworld) – ​ ​ປີ 2016, ຫວຽດນາມ ກ້າວ​ເຂົ້າວິວັດ​ການ​ເຊື່ອມ​ໂຍງ​ຢູ່​ລະດັບ​ສູງ​ກ່ວາ ​ເມື່ອ​ທຽບ​ໃສ່​ກັບ​ປະຈຸ​ບັນ ​ໃນ​ສະພາພາບ​ທີ່​ປະຊາ​ຄົມ ອາ​ຊຽນ ຫາ​ກໍ​ໄດ້​ຮັບ​ການ​ສ້າງ​ຕັ້ງຂຶ້ນ; ສັນຍາ​ການ​ຄ້າ​ເສລີ (FTA) ຫວຽດນາມ - ສ.​ເກົາຫຼີ ​ເລີ່​ມມີ​ຜົນ​ສັກສິດ​ນັບ​ແຕ່​ວັນ​ທີ 01/01/2016; FTA ລະຫວ່າງ ຫວຽດນາມ ​ແລະ ພັນທະ​ມິດ​ເສດຖະກິດ ອາຊີ - ​ເອີ​ລົບ ພວມ​ກະກຽ​ມ​ໃຫ້ສັດຕະຍາບັນ…​ດ້ວຍ​ບັນດາ​ຄວາມ​ສະດວກ ​ແລະ ສິ່ງ​ທ້າ​ທາຍ ຊຶ່ງ​ການ​ເຊື່ອມ​ໂຍງ​ເຂົ້າ​ກັບ​ສາກົນ​ນຳ​ມາ​ໃຫ້​ເສດຖະກິດ ຫວຽດນາມ, ທ່ານ ບູ່ຍກວາງ​ວິງ ລັດຖະມົນຕີ​ວ່າການ​ກະຊວງ​ແຜນການ ​ແລະ ການ​ລົງທຶນ ຖື​ວ່າ: ປີ ນີ້ ຫວຽດນາມ​ຄວນ​ເລືອກ​ເຟັ້ນບັນດາ​ໂຄງການ​ລົງທຶນ​ໂດຍ​ກົງ​ຂອງ​ຕ່າງປະ​ເທດ​ທີ່​ມີ​ຄຸນ​ນະພາ​ບສູງ, ນຳ​ໃຊ້​ເຕັກ​ໂນ​ໂລ​ຢີທີ່​ທັນ​ສະ​ໄໝ, ບໍ່​ກໍ່​ມົນ​ລະ​ພິດ​ເຖິງ​ສິ່ງ​ແວດ​ລ້ອມ. ທ່ານ​ລັດຖະມົນຕີ ບູ່​ຍດວາງ​ວິ​ງ ​ເນັ້ນ​ໜັກ​ວ່າ:

        ​“ໄລຍະ​ຈະ​ມາ​ເຖິງ, ກະຊວງ​ແຜນການ ​ແລະ ການ​ລົງທຶນ ສືບ​ຕໍ່​ຂົນຂວາຍ​ບັນດາ FDI  ທີ່​ມີ​ຄຸນ​ນະພາ​ບສູງ​ເຂົ້າ​ຫວຽດນາມ, ປະກອບສ່ວນ​ພັດທະນາ​ປະ​ເທດ​ຊາດ ກໍ່​ຄື​ສ້າງ​ວຽກ​ເຮັດ​ງານ​ທຳ​ໃຫ້​ຜູ້​ອອກ​ແຮງ​ງານ​ຫຼາຍ​ກວ່າ​ອີກ. ​ແລະ​ພິ​ເສດ​ແມ່ນ ພວກ​ເຮົາ​ຈະ​ຍົກ​ສູງ​ທີ່​ຕັ້ງ​ຂອງ​ບັນດາ​ວິ​ສາ​ຫະກິດ​ພາຍ​ໃນ​ປະ​ເທດ​ເທື່ອ​ລະ​ກ້າວ​, ເພື່ອ​ເຊື່ອມ​ຕໍ່​ພາກສ່ວນ​ວິ​ສາ​ຫະກິດ​ຂະໜາດ​ກາງ ​ແລະ ນ້ອຍ, ວິ​ສາ​ຫະກິດ​ສຳຮອງ​ກັບ​ວິ​ສາ​ຫະກິດ FDI ນຳ​ກັນ ​ແນ​ໃສ່​ຖ່າຍ​ທອດ​ເຕັກ​ໂນ​ໂລ​ຢີ”.