ຫວຽດນາມແບ່ງປັນບົດ ຮຽນຮັບມືກັບໄພ ທຳມະຊາດກັບ ປະເທດຕ່າງໆ
(ພາບປະກອບ: TTXVN)
(vovworld)- ວັນທີ 27/2, ໃນຖານະແມ່ນນັກປາຖະກະຖາຕົ້ນຕໍ່, ທ່ານເລຮ່ວາຍຈຸງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ເຂົ້າຮ່ວມພິທີປະກາດບົດລາຍງານກ່ຽວກັບການກະກຽມດ້ານການເງິນເພື່ອຮັບມືກັບບັນດາກໍລະນີດ່ວນ ໂດຍອົງການອາຫານ ແລະ ກະເສດໂລກ (FAO) ເປັນປະທານ. ໃນສະພາບການໂລກນັບມື້ນັບຕ້ອງປະເຊີນໜ້າກັບບັນດາຄວາມສ່ຽງໄພພິບັດ, ໄພທຳມະຊາດຫຼາຍຢ່າງດ້ວຍຫຼາຍຮູບການທີ່ແຕກຕ່າງກັນ, ບົດລາຍງານສະເໜີຕ້ອງມີການປ່ຽນແປງກ່ຽວກັບການສຳພັດຮັບມືກັບບັນດາຄວາມສ່ຽງນີ້, ນັ້ນແມ່ນລະດົມແຫຼ່ງການເງິນໃຫ້ແກ່ວຽກງານກະກຽມ ແລະ ສະກັດກັ້ນຄວາມສ່ຽງ ຫາກບໍ່ພຽງແຕ່ສຸມໃສ່ການເຄື່ອນໄຫວກູ້ໄພກູ້ຊີບມະນຸດສະທຳ ພາຍຫລັງເກີດໄພພິບັດຄືໃນປະຈຸບັນນີ້. ທີ່ພິທີປະກາດບົດລາຍງານ, ທ່ານເອກອັກຄະລັດຖະທູດເລຮ່ວາຍຈຸງ ໄດ້ແບ່ງປັນບັນດາບົດຮຽນຂອງຫວຽດນາມ ໃນການຮັບມືກັບໄພທຳມະຊາດ, ໃນນັ້ນທ່ານເນັ້ນໜັກວ່າ, ຕ້ອງມີສະຕິຄວາມຮັບຮູ້ຢ່າງພຽງພໍກ່ຽວກັບຄວາມໝາຍຂອງວຽກງານປ້ອງກັນ, ສະກັດກັ້ນ, ກະກຽມ, ຄວາມຕັດສິນໃຈ ແລະ ຄຳໝັ້ນສັນຍາຂອງລັດໃນວຽກງານນີ້; ບົດບາດຂອງຂອບເຂດກົດໝາຍ, ນະໂຍບາຍ ແລະ ເສີມຂະຫຍາຍການເຂົ້າຮ່ວມຂອງທັງລະບົບການເມືອງ, ບັນດາກະຊວງ, ຂະແໜງການ ທ້ອງຖິ່ນພ້ອມກັບບັນດາອົງການຈັດຕັ້ງການເມືອງ-ສັງຄົມ ແລະ ປຊຊ ໃນວຽກງານປ້ອງກັນ, ຕ້ານໄພທຳມະຊາດ ແລະ ການປ່ຽນແປງຂອງດິນຟ້າອາກາດ./.