(vovworld)- ໂດຍແມ່ນພື້ນຖານເສດຖະກິດເຕີບໂຕຢ່າງວ່ອງໄວ ດ້ວຍພົນລະເມືອງກວ່າ 90 ລ້ານຄົນ, ຫວຽດນາມ ໄດ້ຮັບການຕີລາຄາວ່າ ແມ່ນຕະຫລາດມີຫລາຍກາລະໂອກາດໃຫ້ແກ່ການສົ່ງອອກບັນດາປະເພດສິນຄ້າກະສິກຳ, ອຸດສາຫະກຳ ແລະ ບໍລິການຂອງ ສະຫະພາບເອີລົບ (EU). ສິ່ງດັ່ງກ່າວໂດຍທ່ານ Cecilia Malmstrom ກຳມະການການຄ້າ ອີຢູ ເນັ້ນຫນັກທີ່ພິທີປະກາດເອກະສານສັນຍາການຄ້າເສລີລະຫວ່າງຫວຽດນາມ ແລະ ອີຢູ ໃນວັນທີ 1/2 . ສັນຍາສະບັບນີ້ແມ່ນເລີ່ມຕົ້ນ ແລະ ສິ້ນສຸດໃນສະພາບການພົວພັນສອງຝ່າຍ ຫວຽດນາມ - ອີຢູ ນັບມື້ນັບພັດທະນາອັນດີງາມ, ພິເສດໃນຂົງເຂດເສດຖະກິດ ການຄ້າ. ສັນຍານີ້ໄດ້ຮັບຄວາມຫວັງວ່າ ສືບຕໍ່ສ້າງກຳລັງຫນູນຊຸກຍູ້ດ້ານການຄ້າ, ການລົງທຶນ, ການເຕີບໂຕເສດຖະກິດ ແລະ ຊ່ວຍສ້າງວຽກເຮັດງານທຳໃຫ້ຄົນງານຫລາຍຄົນຢູ່ຫວຽດນາມ ແລະ ອີຢູ. ຕາມຖະແຫລງການຂອງ ຄະນະກຳມະການເອີລົບ ແລ້ວ, ເອກະສານດັ່ງກ່າວຈະໄດ້ແປເປັນບັນດາພາສາໃນກຸ່ມ ອີຢູ ກ່ອນທີ່ຍື່ນສະເຫນີຕໍ່ ສະພາເອີລົບ ແລະ ລັດຖະສະພາເອີລົບ ເພື່ອຮັບຮອງເອົາ.