ຫວຽດນາມແມ່ນເສົາຄ້ຳສຳຄັນໃນ ນະໂຍບາຍມຸ່ງໄປສູ່ທິດຕາເວັນອອກຂອງອິນເດຍ
ທ່ານນາຍົກລັດຖະມົນຕີອິນເດຍ Narendra Modi |
(vovworld)- ກ່ອນທີ່ຈະດຳເນີນການຢ້ຽມຢາມຫວຽດນາມຢ່າງເປັນທາງການ, ທ່ານນາຍົກລັດຖະມົນຕີອິນເດຍ Narendra Modi ໄດ້ໃຫ້ສຳພາດຕໍ່ນັກຂ່າວຫວຽດນາມປະຈຳອິນເດຍ, ທ່ານນາຍົກລັດຖະມົນຕີອິນເດຍ Narendra Modi ໄດ້ເນັ້ນໜັກວ່າ ການຢ້ຽມຢາມນີ້ແມ່ນເພື່ອແນໃສ່ເພີ່ມທະວີນ້ຳໃຈມິດຕະພາບ, ຄວາມສາມັກຄີ ແລະ ການຮ່ວມມືຮອບດ້ານລະຫວ່າງ 2 ປະເທດ; ຊຸກຍູ້ການຮ່ວມມື 2 ຝ່າຍ ແລະ ຫຼາຍຝ່າຍໃນຫຼາຍຂົງເຂດ. ທ່ານນາຍົກລັດຖະມົນຕີອິນເດຍ Narendra Modi ໄດ້ ຍັງໃຫ້ຮູ້ວ່າ ໃນການຢ້ຽມຢາມຄັ້ງນີ້, 2 ຝ່າຍຈະປຶກສາຫາລືຫຼາຍຫົວເລື່ອງທີ່ກ່ຽວຂ້ອງເຖິງບັນດາຜົນກະທົບ 2 ຝ່າຍ ແລະ ຫຼາຍຝ່າຍລະຫວ່າງ 2 ປະເທດ, ໃນນັ້ນມີການຊຸກຍູ້ການຄ້າ ກໍແມ່ນຂົງເຂດສຳຄັນ. ເມື່ອເວົ້າເຖິງນະໂຍບາຍມຸ່ງໄປສູ່ທິດຕາເວັນອອກ, ທ່ານນາຍົກລັດຖະມົນຕີອິນເດຍ Narendra Modi ໃຫ້ຮູ້ວ່າ ນະໂຍບາຍມຸ່ງໄປສູ່ທິດຕາເວັນອອກຂອງອິນເດຍ ແມ່ນແນໃສ່ສ້າງການພົວພັນກັບບັນດາປະເທດບ້ານໃກ້ເຮືອນຄຽງທາງທິດຕາເວັນອອກ ຊຶ່ງລວມທັງການຮ່ວມມືທາງດ້ານການປ້ອງກັນຊາດ ປ້ອງກັນຄວາມສະຫງົບ, ຍຸດທະສາດ, ການເມືອງ, ການຕ້ານກໍ່ການຮ້າຍ, ພ້ອມກັບການພົວພັນທາງດ້ານເສດຖະກິດ, ຫວຽດນາມແມ່ນປະເທດສະມາຊິກທີ່ຂາດບໍ່ໄດ້ຂອງອາຊຽນ ແລະ ແມ່ນເສົາຄ້ຳສຳຄັນໃນ ນະໂຍບາຍມຸ່ງໄປສູ່ທິດຕາເວັນອອກຂອງອິນເດຍ.