(ພາບ:baocongthuong.com.vn)
(vovworld)- ວັນທີ 23/7, ຢູ່ຮ່າໂນ້ຍ, ທ່ານຫວູ້ຮູຍຮ່ວາງ ລັດຖະມົນຕີກະຊວງອຸດສາຫະກຳ-ການຄ້າຫວຽດນາມ ແລະ ທ່ານ Wilson Laleau ລັດຖະມົນຕີກະຊວງເສດຖະກິດ ແລະ ການເງິນ ທັງເປັນລັດຖະມົນຕີກະຊວງອຸດສາຫະກຳການຄ້າຮາຍຕີ ໄດ້ລົງນາມໃນສັນຍາແມ່ກ່ຽວກັບການຮ່ວມມືດ້ານການຄ້າ ແລະ ການລົງທຶນລະຫວ່າງ ຫວຽດນາມ-ຮາຍຕີ. ນະທີ່ນີ້, ຫວຽດນາມ ແລະ ຮາຍຕີ ລ້ວນແຕ່ມີຄວາມເອົາໃຈໃສ່ຕໍ່ການຮ່ວມມື, ແລກປ່ຽນການຄ້າ, ການລົງທຶນ, ກະສິກຳ, ລ້ຽງສັດ, ເຄື່ອງຕັດຫຍີບເພື່ອສົ່ງໄປຂາຍຢູ່ຮາຍຕີ. ໃນໄລຍະຈະມາເຖິງ, ສອງຝ່າຍສືບຕໍ່ຜັນຂະຫຍາຍບົດບັນທຶກຊ່ວຍຈຳກ່ຽວກັບການຮ່ວມມືການຄ້າເຂົ້າສານ ຫວຽດນາມ-ຮາຍຕີ. ພ້ອມກັນນັ້ນຈະປຶກສາຫາລືເພື່ອໃຫ້ບັນດາວິສາຫະກິດໃນຂົງເຂດກໍ່ສ້າງຂອງຫວຽດນາມ ເຂົ້າຮ່ວມວິວັດທະນາການສ້າງສາປະເທດຮາຍຕີ ຄືນໃໝ່, ກໍ່ສ້າງບັນດາກິດຈະກຳພື້ນຖານໂຄງລ່າງ ແລະ ເຮືອນຢູ່ຢູ່ຮາຍຕີ. ທ່ານເຈິ່ນຕວນແອງ ຮອງລັດຖະມົນຕີກະຊວງອຸດສາຫະກຳການຄ້າຫວຽດນາມ ໃຫ້ຮູ້ວ່າ:
”ຝ່າຍຮາຍຕີ ຖືວ່າ ຫວຽດນາມ ແມ່ນຄູ່ຮ່ວມມືທີ່ມີຄວາມສາມາດບົ່ມຊ້ອນ ແລະ ໜ້າໄວ້ເນື້ອເຊື່ອໃຈໃນຫຼາຍແງ່ມູມ, ຫຼາຍຂົງເຂດ. ຜ່ານການພົວພັນຂອງຮາຍຕີ ກັບປະເທດໃນທະວີບອາເມລິກາ ກໍ່ຄືອາເມລິກາກາງ ຈຳນວນ 1, ຫວຽດນາມ ສາມາດນຳຜະລິດຕະພັນອຸດສາຫະກຳປຸງແຕ່ງ, ກໍ່ສ້າງ, ອຸດສາຫະກຳເອເລກໂຕນິກ, ເຄື່ອງຕ່ຳແຜ່ນຕັດຫຍີບ, ເກີບໜັງ… ເຂົ້າຮ່ວມບັນດາໂຄງການສ້າງສາປະເທດຮາຍຕີ. ໃນໄລຍະຈະມາເຖິງ, ຄະນະກຳມະການລະຫວ່າງລັດຖະບານສອງປະເທດຈະຜັນຂະຫຍາຍບັນດາການເຄື່ອນໄຫວຕົວຈິງ ແລະ ມີການຊີ້ນຳ, ກຳນົດທິດ ແລະ ມີມາດຕະການລະອຽດ ເພື່ອເພີ່ມທະວີ ແລະ ເປີດກ້ວາງການພົວພັນຮ່ວມມືລະຫວ່າງສອງຝ່າຍກ່ວາອີກ”.