ຫວຽດນາມແລະກູບາ ຊຸກຍູ້ການຮ່ວມມື ດ້ານຕຸລາການ
ການພົບປະເຈລະຈາລະຫວ່າງກະຊວງຍຸດຕິທຳຫວຽດນາມ-ກູບາ
(ພາບ: baotintuc.vn)
(vovworld)- ໂດຍໄດ້ຮັບຄຳເຊີນຂອງກະຊວງຍຸຕິທຳກູບາ, ຄະນະຜູ້ແທນຂັ້ນສູງກະຊວງຍຸດຕິກຳຫວຽດນາມ ໂດຍທ່ານລັດຖະມົນຕີຮ່າຮຸ່ງເກື່ອງ ນຳໜ້າໄດ້ໄປຢ້ຽມຢາມ ແລະ ເຮັດວຽກຢູ່ກູບາ ແຕ່ວັນທີ 14-15/12, ເພື່ອແນໃສ່ປັບປຸງ ແລະ ເພີ່ມທະວີການຮ່ວມມືດ້ານກົດໝາຍກັບກູບາ ກໍ່ຄືປະກອບສ່ວນຊຸກຍູ້ການພົວພັນສາມັກຄີມິດຕະພາບລະຫວ່າງສອງປະເທດ. ກ່າວຄຳເຫັນທີ່ການພົບປະເຈາລະຈາກັບທ່ານ Maria Asther Raeu Gonzales ລັດຖະມົນຕີກະຊວງຍຸຕິທຳກູບາ, ທ່ານລັດຖະມົນຕີຮ່າຮຸ່ງເກື່ອງ ໄດ້ແຈ້ງໃຫ້ຊາບກ່ຽວກັບສະພາບພັດທະນາເສດຖະ ກິດສັງຄົມຢູ່ຫວຽດນາມ ກໍ່ຄືບັນດາຜົນງານທີ່ຫວຽດນາມ ບັນລຸໄດ້ ແລະ ສິ່ງທ້າທາຍຊື່ງຫວຽດນາມ ພວມຕ້ອງປະເຊີນໜ້າໃນວິວັດການຫັນເປັນໂລກາພິບັດ ແລະ ເຊື່ອມໂຍງເຂົ້າກັບໂລກຢ່າງຮອບດ້ານ. ສ່ວນທ່ານລັດຖະມົນຕີ Maria Gonzales ຢືນຢັນວ່າ: ການຢ້ຽມຢາມຂອງຄະນະໄດ້ປະກອບສ່ວນຢ່າງຕັ້ງໜ້າເຂົ້າໃນການພົວພັນທີ່ເປັນມູນເຊື້ອພິເສດລະຫວ່າງສອງປະເທດ, ພ້ອມທັງແມ່ນໂອກາດເພື່ອໃຫ້ສອງກະຊວງແບ່ງປັນບົດຮຽນ ແລະ ຫັນບັນດາຄຳໝັ້ນສັນຍາຮ່ວມມືໃນຂົງເຂດຕຸລາການເປັນລະອຽດ. ເນື່ອງໃນໂອກາດນີ້, ທ່ານລັດຖະມົນຕີຮ່າຮຸ່ງເກື່ອງ ແລະ ທ່ານລັດຖະມົນຕີ Maria Gonzales ໄດ້ລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືລະຫວ່າງສອງກະຊວງຍຸດຕິທຳ./.