ພົນໂທ Leopoldo Cintra Frias ແລະ ທ່ານເລຂາທິການໃຫຍ່ ຫງວຽນຟູ໋ຈ້ອງ
(ພາບ: Trí Dũng - TTXVN)
(vovworld) – ຕອນບ່າຍວັນທີ 22/12, ຢູ່ຮ່າໂນ້ຍ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ຕ້ອນຮັບຄະນະຜູ້ແທນຂັ້ນສູງກະຊວງບັນດາກຳລັງປະກອບອາວຸດປະຕິວັດ ກູບາ ໂດຍພົນໂທ Leopoldo Cintra Frias, ກຳມະການກົມການເມືອງ, ກຳມະການສະພາແຫ່ງລັດ, ລັດຖະມົນຕີວ່າການກະຊວງບັນດາກຳລັງປະກອບອາວຸດປະຕິວັດ ກູບາ ນຳໜ້າພວມຢູ່ຢ້ຽມຢາມຫວຽດນາມ. ທ່ານເລຂາທິການໃຫຍ່ ຫງວຽນຟູ໋ຈ້ອງ ເຊື່ອໝັ້ນວ່າ: ການຢ້ຽມຢາມ ຫວຽດນາມ ຂອງຄະນະຜູ້ແທນກະຊວງບັນດາກຳລັງປະກອບອາວຸດປະຕິວັດ ກູບາ ຈະປະກອບສ່ວນຊຸກຍູ້ການພົວພັນອັນດີງາມລະຫວ່າງກອງທັບ 2 ປະເທດເວົ້າສະເພາະ, ການພົວພັນມິດຕະພາບ, ການຮ່ວມມືຮອບດ້ານລະຫວ່າງ 2 ພັກ, 2 ລັດຖະບານ ແລະ ປະຊາຊົນ 2 ປະເທດ ຫວຽດນາມ - ກູບາ ເວົ້າລວມ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຢັ້ງຢືນ: ການສະໜັບສະໜູນສະເໝີຕົ້ນສະເໝີປາຍ ຂອງພັກ ແລະ ປະຊາຊົນ ຫວຽດນາມ ຕໍ່ພາລະກິດຕໍ່ສູ້ວິລະຊົນຂອງພັກ ແລະ ປະຊາຊົນ ກູບາ. ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຝາກຄຳອວຍພອນເຖິງການນຳຂັ້ນສູງ ພັກ, ລັດ ກູບາ ກ່ຽວກັບໄຊຊະນະຂອງພັກ, ປະຊາຊົນ ກູບາ ໃນການຕໍ່ສູ້ບໍ່ຮູ້ອິດບໍ່ຮູ້ເມື່ອຍໃນຕະຫຼອດ 50 ປີຜ່ານມາ, ພາໄປເຖິງເລື່ອງ ອາເມລິກາ ຖະແຫຼງສ້າງການພົວພັນກັບ ກູບາ ເປັນປົກກະຕິ.
ພົນໂທ Leopoldo Cintra Frias ແຈ້ງໃຫ້ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຮັບຊາບກ່ຽວກັບໝາກຜົນແຫ່ງການເຮັດວຽກກັບບັນດາອົງການ, ກົມກອງຂອງກະຊວງປ້ອງກັນປະເທດ, ຢັ້ງຢືນຈະຕັດສິນໃຈຊຸກຍູ້ ແລະ ປັບປຸງການພົວພັນມິດຕະພາບແບບພິເສດ, ສັດຊື່ບໍລິສຸດ ແລະ ການຮ່ວມມືແບບຢ່າງລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດ ກູບາ - ຫວຽດນາມ ກ່ວາອີກ.