ການລາດຕາເວນເຂດຊາຍແດນ ຫວຽດນາມ - ກຳປູເຈຍຢູ່ແຂວງ ກຽນຢາງ
(ພາບ: Bùi Như Trường Giang/TTXVN)
|
(vovworld) – ໂດຍປະຕິບັດຂໍ້ຕົກລົງລະຫວ່າງກະຊວງການຕ່າງປະເທດ ຫວຽດນາມ ແລະ ກະຊວງການຕ່າງປະເທດ ແລະ ຮ່ວມມືສາກົນ ກຳປູເຈຍ, ວັນທີ 16/7, ກຸ່ມປະຕິບັດງານປະສົມ ຫວຽດນາມ - ກຳປູເຈຍ ໄດ້ລົງສຳຫຼວດຢູ່ບໍລິເວນລະຫວ່າງເສົາຫຼັກໝາຍເລກທີ 202 – 203 ຂຶ້ນກັບບ້ານ ບີ່ງບັກ, ຕະແສງ ບີ່ງຮ່ວາໄຕ, ເມືອງ ໂມກຮ໋ວາ, ແຂວງ ລອງອານ, ຫວຽດນາມ, ບ່ອນເກີດການໃຊ້ຄວາມຮຸນແຮງຍ້ອນບຸກຄົນຫົວຮຸນແຮງຊາວ ກຳປູເຈຍ ຈຳນວນໜຶ່ງກໍ່ຂຶ້ນເມື່ອວັນທີ 28/6. ຢູ່ສະຖານທີ່ຕົວຈິງ, 2 ຝ່າຍໄດ້ກວດກາ, ເຮັດແຈ້ງສະຖານທີ່ເກີດເຫດ, ພ້ອມທັງຮັບຟັງຄວາມເຫັນຂອງຜູ້ເຫັນເຫດການຂອງທັງ 2 ປະເທດ ແລະ ຢັ້ງຢືນສາຍເຫດກໍ່ໃຫ້ເກີດເຫດການດັ່ງກ່າວ. ກຸ່ມປະຕິບັດງານຝ່າຍ ກຳປູເຈຍ ໄດ້ຢື້ຢາມຖາມຂ່າວ ແລະ ປາດຖະໜາຢາກໄດ້ຮັບຄວາມເຫັນອົກເຫັນໃຈຈາກຊາວ ຫວຽດນາມ ຜູ້ຖືກຮັບບາດເຈັບ. ພາຍຫຼັງສິ້ນສຸດການເຮັດວຽກຢູ່ສະຖານທີ່ຕົວຈິງ, 2 ຝ່າຍດຳເນີນການເຈລະຈາຢູ່ແຂວງ Svay Rieng, ປະເທດ ກຳປູເຈຍ ແລະ ຕົກລົງກັນວ່າ: ບໍ່ປະໃຫ້ເກີດສະພາບການຄ້າຍຄືກັນກັບເຫດການເມື່ອວັນທີ 28/6 ຢ່າງເດັດຂາດ, ພ້ອມທັງຢືນຢັນວ່າ ເຄົາລົບບັນດາສົນທິສັນຍາ ແລະ ສັນຍາທີ່ໄດ້ລົງນາມ ແລະ ຖະແຫຼງຂ່າວຮ່ວມເຊັນໃນວັນທີ 17/1/1995.