ທ່ານຮອງນາຍົກລັດຖະມົນຕີ ຟ້າມບິ່ງມິງ ແລະ
ທ່ານກຳມະການລັດຖະບານຈີນ ຢາງເຈ້ຍຊື້
(ພາບປະກອບ)
(vovworld) – ໂດຍໄດ້ຮັບຄຳເຊີນຂອງທ່ານກຳມະການ ລັດຖະບານຈີນ ຢາງເຈ້ຍຊື້, ໃນລະຫວ່າງວັນທີ 17 – 19/6/2015, ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຟ້າມບິ່ງມິງ ນຳໜ້າຄະນະຜູ້ແທນຫວຽກນາມ ໄປ ປັກກິ່ງ ປະເທດຈີນ, ເຂົ້າຮ່ວມວາລະປະຊຸມຄັ້ງທີ 8 ຄະນະກຳມະການຊີ້ນຳການຮ່ວມມື 2 ຝ່າຍຫວຽດນາມ - ຈີນ. ຕອນບ່າຍວັນທີ (18/6), ທ່ານຮອງນາຍົກລັດຖະມົນຕີ ຟ້າມບິ່ງມິງ ໄດ້ພົບປະເຈລະຈາກັບທ່ານນາຍົກລັດຖະມົນຕີ ຫຼີເຄີຊຽນ. ທ່ານຮອງນາຍົກລັດຖະມົນຕີ ຟ້າມບິ່ງມິງ ຢັ້ງຢືນວ່າ: ຫວຽດນາມ ຍາມໃດຖືເປັນສຳຄັນການພັດທະນາສະຖຽນລະພາບການພົວພັນຄູຮ່ວມມືຮ່ວມມືຍຸດທະສາດຮອບດ້ານກັບ ຈີນ, ແລະ ປາດຖະໜາວ່າ ທັງ 2 ຝ່າຍຊຸກຍູ້ການຮ່ວມມືໃນຂົງເຂດຕ່າງໆລະຫວ່າງ 2 ປະເທດຢ່າງແທດຈິງ, ຄວບຄຸມຄວາມບໍ່ລົງລອຍກັນບົນທະເລເປັນຢ່າງດີ, ບໍ່ໃຫ້ສົ່ງຜົນສະທ້ອນເຖິງທ່າອ່ຽງພັດທະນາຂອງການພົວພັນ 2 ປະເທດ. ທ່ານນາຍົກລັດຖະມົນຕີ ຫຼີເຄີຊຽນ ຢັ້ງຢືນວ່າ: ພັກ, ລັດຖະບານ ແລະ ປະຊາຊົນຈີນ ຖືເປັນສຳຄັນ ແລະ ຢືດໝັ້ນທິດນຳເປັນບ້ານໃກ້ເຮືອນຄຽງມິດຕະພາບ, ຮ່ວມມືຮອບດ້ານກັບຫວຽດນາມ; ປາດຖະໜາຢາກຮັກສາການແລກປ່ຽນ, ພົບປະຂັ້ນສູງລະຫວ່າງ 2 ປະເທດ. ທ່ານນາຍົກລັດຖະມົນຕີ ຫຼີເຄີຊຽນ.ໃຫ້ຮູ້ວ່າ: ຈີນຈະພ້ອມກັບຫວຽດນາມ ແກ້ໄຂຄວາມບໍ່ລົງລອຍຢ່າງສົມເຫດສົມຜົນ, ຊຸກຍູ້ການຮ່ວມມືໃນຂົງເຂດຕ່າງໆລະຫວ່າງ 2 ປະເທດ.
ກ່ອນໜ້ານັ້ນ, ໃນວາລະປະຊຸມຄັ້ງທີ 8 ຄະນະກຳມະການຊີ້ນຳການຮ່ວມມື 2 ຝ່າຍ ຫວຽດນາມ - ຈີນ, ທ່ານຮອງນາຍົກລັດຖະມົນຕີ ຟ້າມບິ່ງມິງ ແລະ ທ່ານ ກຳມະການລັດຖະບານ ຢາງເຈ້ຍຊື້ ໄດ້ເຫັນດີຜັນຂະຫຍາຍແຜນການຮ່ວມມືລະຫວ່າງ 2 ພັກໄລຍະ 2016 – 2020 ຢ່າງມີປະສິດທິຜົນ. ແລກປ່ຽນບັນດາບັນຫາບົນທະເລຢ່າງກົງໄປກົງມາ, 2 ຝ່າຍເນັ້ນໜັກວ່າ: ຕ້ອງເຄົາລົບ ຄວາມຮັບຮູ້ລວມທີ່ສຳຄັນ ເຊິ່ງບັນລຸໄດ້ລະຫວ່າງການນຳຂັ້ນສູງ 2 ພັກ, 2 ລັດ, ປະຕິບັດ “ຂໍ້ຕົກລົງກ່ຽວກັບບັນດາຫຼັກການພື້ນຖານຊີ້ນຳແກ້ໄຂບັນຫາບົນທະເລ ຫວຽດນາມ - ຈີນ” ຢ່າງເຂັ້ມງວດ; ນຳໃຊ້ກົນໄກເຈລະຈາຂັ້ນລັດຖະບານກ່ຽວກັບຊາຍແດນ ຫວຽດນາມ - ຈີນ ເປັນຢ່າງດີ, ຊອກຫາມາດຕະການແກ້ໄຂພື້ນຖານ ແລະ ຍາວນານ ຊຶ່ງ 2 ຝ່າຍອາດສາມາດເຫັນດີນຳກັນໄດ້; ປະຕິບັດຖະແຫຼງການຮ່ວມກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ ກໍ່ຄືບັນລຸໄດ້ປະມວນຂໍ້ກຳນົດການປະພຶດຢູ່ທະເລຕາເວັນອອກ(COC)ໂດຍໄວ. ພ້ອມທັງ, ບໍ່ໃຫ້ເກີດການກະທຳສັບສົນ, ເປີດກ້ວາງການແກ່ງແຍ້ງກັນ; ແກ້ໄຂບັນຫາທີ່ເກີດຂຶ້ນຢ່າງທັນການ ແລະ ສົມເຫດສົມຜົນ. ຮັກສາການພົວພັນຫວຽດນາມ - ຈີນ ແລະ ສັນຕິພາບ, ສະຖຽນລະພາບ ຢູ່ທະເລຕາເວັນອອກ. ສິ້ນສຸດການປະຊຸມ, ທ່ານຮອງນາຍົກລັດຖະມົນຕີ ຟ້າມບິ່ງມິງ ແລະ ທ່ານກຳມະການ ລັດຖະບານ ຢາງເຈ້ຍຊື້ ໄດ້ເປັນສັກຂີພິຍາມພິທີລົງນາມບົດບັນທຶກວາລະປະຊຸມຄັ້ງທີ 8 ຄະນະກຳມະການຊີ້ນຳການຮ່ວມມື 2 ຝ່າຍ ຫວຽດນາມ - ຈີນ.
ໃນວັນດຽວກັນ, ທ່ານຮອງນາຍົກລັດຖະມົນຕີ ຟ້າມບິ່ງມິງ ຕ້ອນຮັບທ່ານລັດຖະມົນຕີວ່າການກະຊວງການຕ່າງປະເທດຈີນ ຫວາງອີ.
ຮ່າທັ໋ງ, ເລບາວ - ນັກຂ່າວ VOV ປະຈຳຈີນ