ຫວຽດນາມແລະລາວເພີ່ມທະວີການຮ່ວມມືກ່ຽວກັບວຽກງານຖະແຫຼງຂ່າວ-ສື່ມວນຊົນ
ພິທີລົງນາມໃນແຜນການຮ່ວມມືກ່ຽວກັບວຽກງານຖະແຫຼງຂ່າວ
ລະຫວ່າງ 2 ກະຊວງໄລຍະ 2016 – 2020
(vovworld) – ໂດຍສືບຕໍ່ການຢ້ຽມຢາມ ແລະ ເຮັດວຽກຢູ່ ລາວ, ຕອນຄ່ຳວັນທີ 20/09 ທ່ານ ເຈືອງມີງຕ໋ວນ ລັດຖະມົນຕີກະຊວງຖະແຫຼງຂ່າວ ແລະ ສື່ສານ ຫວຽດນາມ ໄດ້ມີການເຮັດວຽກກັບທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ. ທ່ານລັດຖະມົນຕີ ເຈືອງມີງຕ໋ວນ ສະເໜີວ່າ ໃນໄລຍະຈະມາເຖິງ 2 ຝ່າຍຈະສືບຕໍ່ໃຫ້ບຸລິມະສິດ ແລະ ເປີດກ້ວາງບັນດາລາຍການແລກປ່ຽນຄະນະຜູ້ແທນຂັ້ນສູງ ແລະ ຄະນະນັກຂ່າວ, ເພີ່ມທະວີບັນດາລາຍການພົບປະແລກປ່ຽນ, ຈັດຕັ້ງກອງປະຊຸມສຳມະນາ, ໂອ້ລົມສົນທະນະກ່ຽວກັບບັນດາບັນຫາຄຸ້ມຄອງ, ດ້ານວີຊາການຖະແຫຼງຂ່າວ. ສວ່ນທ່ານລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ບໍ່ແສງຄຳ ວົງດາລາ ເນັ້ນໜັກວ່າ ການຮ່ວມມືແລກປ່ຽນດ້ານວີຊາການ, ວຽກງານຖະແຫຼງຂ່າວ - ສື່ມວນຊົນມີຄວາມໝາຍສຳຄັນໃນການແນະນຳ, ແບ່ງປັນຂໍ້ມູນຂ່າວສານ, ເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະ ກັນ. ສິ້ນສຸດການເຮັດວຽກ ທ່ານລັດຖະມົນຕີ ເຈືອງມີງຕ໋ວນ ແລະ ທ່ານລັດຖະມົນຕີ ບໍ່ແສງຄຳ ວົງດາລາ ໄດ້ລົງນາມໃນແຜນການຮ່ວມມືກ່ຽວກັບວຽກງານຖະແຫຼງຂ່າວລະຫວ່າງ 2 ກະຊວງໄລຍະ 2016 – 2020.