.jpg)
ກອງປະຊຸມຢູ່ ວຽງຈັນ, ປະເທດລາວ
|
(vovworld) – ວັນທີ 5/1, ຢູ່ນະຄອນຫຼວງ ວຽງຈັນ, ປະເທດລາວໄດ້ດຳເນີນກອງປະຊຸມປະຈຳປີຄັ້ງທີ 26 ລະຫວ່າງຄະນະຜູ້ແທນຊາຍແດນ 2 ປະເທດ ຫວຽດນາມ - ລາວ. ຄະນະຜູ້ແທນ ຫວຽດນາມ ໂດຍທ່ານ ເລຮ່ວາຍຈູງ, ຮອງລັດຖະມົນຕີກະຊວງການຕ່າງປະເທດ, ຫົວໜ້າກຳມາທິການຊາຍແດນແຫ່ງຊາດ, ກະຊວງການຕ່າງປະເທດ ເປັນຫົວໜ້າຄະນະ. ຄະນະຜູ້ແທນລາວໂດຍທ່ານ ສະເຫຼີມໄຊ ກົມມະສິດ, ກຳມະການສູນກາງພັກ, ລັດຖະມົນຕີກະຊວງການຕ່າງປະເທດລາວເປັນຫົວໜ້າຄະນະ, ດ້ວຍການເຂົ້າຮ່ວມຂອງຜູ້ຕາງໜ້າບັນດາກະຊວງ, ຂະແໜງການທີ່ກ່ຽວຂ້ອງ ແລະ ບັນດາແຂວງຊາຍແດນ 2 ປະເທດ. ທີ່ກອງປະຊຸມ, 2 ຝ່າຍໄດ້ກວດກາຄືນການຈັດຕັ້ງປະຕິບັດບັນດາສັນຍາ, ຂໍ້ຕົກລົງກ່ຽວກັບຊາຍແດນລະຫວ່າງ 2 ປະເທດ ແລະ ບົດບັນທຶກກອງປະຊຸມປະຈຳປີຄັ້ງທີ 25 ໃນປີ 2016 ທີ່ຜ່ານມາ. 2 ຝ່າຍໄດ້ຍ້ອງຍໍຊົມເຊີຍບັນດາຄວາມມານະພະຍາຍາມຂອງບັນດາກະຊວງ, ຂະແໜງການ ແລະ ທ້ອງຖິ່ນເຂດຊາຍແດນໃນວຽກງານຄຸ້ມຄອງ, ປົກປັກຮັກສາເຂດຊາຍແດນ ແລະ ການຮ່ວມມືພັດທະນາລະຫວ່າງບັນດາທ້ອງຖິ່ນເຂດຊາຍແດນຂອງ 2 ປະເທດ. 2 ຝ່າຍເຫັນດີເປັນເອກະພາບຕໍ່ທິດທາງ ແລະ ມາດຕະການຮ່ວມມືໃນປີ 2017, ໃນນັ້ນຈຸດສຸມແມ່ນໃຫ້ສັດຕະຍາບັນສັນຍາກ່ຽວກັບກົດລະບຽບການຄຸ້ມຄອງເຂດຊາຍແດນ ແລະ ດ່ານຊາຍແດນ ຫວຽດນາມ ແລະ ລາວ ແລະ ອະນຸສັນຍາກ່ຽວກັບເສັ້ນຊາຍແດນ ແລະ ຫຼັກໝາຍຊາຍແດນ ຫວຽດນາມ - ລາວ ໂດຍໄວ, ເພີ່ມທະວີວຽກງານສົມທົບກັນລະຫວ່າງທຸກຂັ້ນ, ທຸກຂະແໜງການ ແລະ ກຳລັງກ່ຽວຂ້ອງໃນການຄຸ້ມຄອງຊາຍແດນກ່ວາອີກ, ສະຫລຸບຮູບແບບ “ປະຕູດຽວ, ຢຸດເທື່ອດຽວ”, ກໍ່ສ້າງ, ຜັນຂະຫຍາຍບາງສັນຍາຢ່າງມີປະສິດທິຜົນ, ແຜນຮ່າງວາງແຜນຜັງ, ພັດທະນາດ່ານຊາຍແດນ, ໂຄງປະກອບພື້ນຖານໂຄງລ່າງຄົມມະນາຄົມ, ການຄ້າເຂດຊາຍແດນ, ຜັນຂະຫຍາຍຂໍ້ຕົກລົງອົບພະຍົບເສລີ ແລະ ການສົມລົດໂດຍບໍ່ມີການຈົດທະບຽນໃນເຂດຊາຍແດນ 2 ປະເທດຢ່າງມີປະສິດທິຜົນ.
ສິ້ນສຸດກອງປະຊຸມ, ຫົວໜ້າຄະນະຜູ້ແທນ 2 ປະເທດໄດ້ເຊັນບົດບັນທຶກຊ່ວຍຈຳກອງປະຊຸມ ແລະ ເຫັນດີເປັນເອກະພາບກັນວ່າກອງປະຊຸມປະຈຳປີຄັ້ງທີ 27 ຄະນະຜູ້ແທນຊາຍແດນ ຫວຽດນາມ - ລາວ ຈະຈັດຕັ້ງຢູ່ ຫວຽດນາມ ໃນເດືອນ 12/2017.