(ພາບປະກອບ)
(vovworld) - ໂດຍປະຕິບັດຂໍ້ຕົກລົງຂອງກະຊວງການຕ່າງປະເທດ 2 ປະເທດ, ວັນທີ 22/11 ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ດັ້ງດີງກູຍ ນຳໜ້າຄະນະຜູ້ແທນກະຊວງການຕ່າງປະເທດ ຫວຽດນາມ, ດຳເນີນການທາບທາມຄຳເຫັນດ້ານການເມືອງຄັ້ງທີ 10 ກັບກະຊວງການຕ່າງປະເທດ ສິງກະໂປ. ທີ່ການທາບທາມຄຳເຫັນດ້ານການເມືອງຄັ້ງທີ 10, 2 ຝ່າຍເຫັນດີເປັນເອກະສັນສົມທົບກັນຜັນຂະຫຍາຍໝາກຜົນກອງປະຊຸມລັດຖະມົນຕີຄັ້ງທີ 12 ກ່ຽວກັບການເຊື່ອມຕໍ່ 2 ພື້ນຖານເສດຖະກິດ ເຊິ່ງຈັດຕັ້ງຢູ່ ສິງກະໂປ ເມື່ອເດືອນ 09/2016 ໃນ 6 ຂົງເຂດ: ການເງິນ, ຖະແຫຼງຂ່າວ - ສື່ສານ, ການສຶກສາ - ກໍ່ສ້າງ, ຄົມມະນາຄົມ - ຂົນສົ່ງ, ການລົງທຶນ, ການຄ້າ ແລະ ການບໍລິການ ເປັນຢ່າງດີ. ທ່ານຮອງລັດຖະມົນຕີ ດັ້ງດີງກູຍ ສະເໜີ ສິງກະໂປ ເຈລະຈາ, ລົງນາມໃນບັນດາຂໍ້ຕົກລົງທີ່ໄດ້ຮັບຮອງນຳກັນ ກ່ຽວກັບມາດຖານສຳລັບບັນດາຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳ; ຊຸກຍູ້ບັນດາວິສາຫະກິດ ສິງກະໂປ ເພີ່ມການລົງທຶນເຂົ້າຂົງເຂດຕົ້ນຕໍຂອງ ຫວຽດນາມ.
2 ຝ່າຍເຫັນດີເປັນເອກະສັນເພີ່ມທະວີການຮ່ວມມື, ນຳບັນດາຂົງເຂດປ້ອງກັນຊາດ - ປ້ອງກັນຄວາມສະຫງົບເຂົ້າສູ່ລວງເລິກ. ຫົວໜ້າຄະນະ 2 ທ່ານລ້ວນແຕ່ຢືນຢັນຈະ ພ້ອມກັນມານະພະຍາຍາມເພີ່ມທະວີຄວາມສາມັກຄີ, ຄວາມເປັນເອກະພາບ ແລະ ເສີມຂະຫຍາຍບົດບາດເປັນໃຈກາງຂອງ ອາຊຽນ ໃນບັນດາບັນຫາປ້ອງກັນຄວາມໝັ້ນຄົງ ແລະ ຍຸດທະສາດຂອງພາກພື້ນ; ພ້ອມທັງໃຫ້ຄຳໝັ້ນສັນຍາຮັກສາ ແລະ ຊຸກຍູ້ສັນຕິພາບ, ຄວາມສະຫງົບ, ສະຖຽນລະພາບ, ຄວາມປອດໄພ ແລະ ຄວາມເສລີໃນການເດີນທະເລ ແລະ ການເປັນຢູ່ທະເລຕາເວັນອອກ, ຮຽກຮ້ອງບັນດາຝ່າຍຈົ່ງລະງັບໃຈ, ບໍ່ນາບຂູ່ດ້ວຍກຳລັງອາວຸດ ຫຼື ນຳໃຊ້ກຳລັງອາວຸດ, ເຄົາລົບບັນດາວິວັດທະນາການດ້ານການທູດ, ນິຕິທຳ, ແກ້ໄຂການຂັດແຍ້ງກັນໂດຍສັນຕິວິທີ, ບົນພື້ນຖານກົດໝາຍສາກົນຢ່າງຄົບຊຸດ.