(vovworld)- ແຕ່ວັນທີ 23-25/6, ຄະນະຜູ້ແທນລະຫວ່າງຂະແຫນງຂອງຫວຽດນາມ ໂດຍທ່ານຮອງລັດຖະມົນຕີການຕ່າງປະເທດຫວຽດນາມ ບູ່ຍແທນເຊີນ ນຳນຫ້າ ໄດ້ໄປຢ້ຽມຢາມອັກຊັງຕີນ ເພື່ອຊອກຮູ້ບົດຮຽນໃນການເຈລະຈາຫລາຍຝ່າຍ ພ້ອມທັງດຳເນີນວາລະທາບທາມຄຳເຫັນດ້ານການເມືອງລະຫວ່າງກະຊວງການຕ່າງປະເທດສອງປະເທດ. ໃນໂອກາດນີ້, ທ່ານຮອງລັດຖະມົນຕີການຕ່າງປະເທດ ບູ່ຍແທນເຊີນ ໄດ້ພົບປະແລກປ່ຽນຄຳເຫັນກັບຄູ່ຕຳແຫນ່ງອັກຊັງຕີນ Eduardo Antonio Zuain ແລະ ເຮັດວຽກກັບທ່ານລັດຖະມົນຕີໂທລະຄົມ ແລະ ລັດຖະມົນຕີແຜນການ - ການລົງທຶນ, ລັດຖະມົນຕີເສດຖະກິດ - ການເງິນ ອັກຊັງຕີນ. ທີ່ວາລະທາບທາມຄຳເຫັນດ້ານການເມືອງ ແລະ ການພົບປະຄັ້ງຕ່າງໆນັ້ນ, ສອງຝ່າຍໄດ້ເຫັນດີຖືວ່າ: ຫວຽດນາມ ແລະ ອັກຊັງຕີນ ມີຄວາມສາມບາດບົ່ມຊ້ອນຫລາຍຢ່າງເພື່ອພັດທະນາການຮ່ວມມື. ຝ່າຍ ອັກຊັງຕີນ ສະແດງຄວາມເອົາໃຈໃສ່ເພີ່ມທະວີການຮ່ວມມືກັບຫວຽດນາມໃນຂົງເຂດການສຶກສາຂັ້ນມະຫາວິທະຍາໄລ ແລະ ບາງຂົງເຂດທີ່ອັກຊັງຕີນມີທ່າແຮງ.