ຫວຽດນາມແລະອົດ ສະຕາລີເຊັນສັນຍາ ໜູນຊ່ວຍກົດໝາຍອາຍາ
(ພາບ : Đỗ Vân/Vietnam+)
(vovworld)- ວັນທີ 2/7, ຢູ່ຊິດນີ ປະເທດອົດສະຕາລີ, ຫວຽດນາມ ແລະ ອົດສະຕາລີ ໄດ້ເຊັນສັນຍາໜູນຊ່ວຍກົດໝາຍອາຍາ ຊື່ງເປັນຂີດໝາຍແຫ່ງການພັດທະນາໃໝ່ໃນຂົງເຂດຮ່ວມມືດ້ານກົດໝາຍລະຫວ່າງສອງປະເທດ. ການເຊັນສັນຍາເນື່ອງໃນໂອກາດການຢ້ຽມຢາມອົດສະຕາລີ ແຕ່ວັນທີ 1-7/7 ຂອງຄະນະຜູ້ແທນຂັ້ນສູງອົງການໄອຍະການ ປຊຊ ສູງສຸດຫວຽດນາມ ໂດຍທ່ານຫົວໜ້າຫງວຽນຮ່ວາບິ່ງ ນຳໜ້າ.
ສັນຍາໜູນຊ່ວຍກົດໝາຍອາຍາຫວຽດນາມ-ອົດສະຕາລີ ຖືກຖືວ່າ ແມ່ນຂອບກົດໝາຍສຳຄັນ, ແມ່ນພື້ນຖານເພື່ອໃຫ້ສອງຝ່າຍຮ່ວມມືກັນຢ່າງມີປະສິດທິຜົນກ່ວາໃນການຕໍ່ສູ້, ປ້ອງກັນ, ຕ້ານອາດຊະຍາກຳ, ພິເສດແມ່ນອາດຊະຍາກຳຂ້າມຊາດ. ສັນຍາມີບັນດາຂໍ້ມາດຕາລະອຽດ, ກຳນົດກ່ຽວກັບຂອບເຂດການໜູນຊ່ວຍ, ຂໍ້ອ້າງອີງປະຕິເສດ, ໂຈະການໜູນຊ່ວຍ, ເນື້ອໃນເອກະສານຮຽກຮ້ອງການໜູນຊ່ວຍ…. ສັນຍາແມ່ນການພິສູດໃຫ້ເຫັນສາຍພົວພັນມິດຕະພາບອັນດີງາມລະຫວ່າງສອງປະເທດໃນທຸກຂົງເຂດຢ່າງລະອຽດ, ປະກອບສ່ວນເຮັດໃຫ້ “ສາຍພົວພັນຄູ່ຮ່ວມມືຮອບດ້ານ“ ລະຫວ່າງສອງປະເທດ ອຸດົມສົມບູນຂຶ້ນຕື່ມ ຊື່ງການນຳສອງປະເທດໄດ້ກຳນົດ./.