ຫວຽດນາມແລະອິນເດຍມີພື້ນຖານທີ່ດີເພື່ອເປີດກ້ວາງການຮ່ວມມືກ່ວາອີກ
(ພາບປະກອບ)
(vovworld) – “ຫວຽດນາມ ແລະ ອິນເດຍ ມີພື້ນຖານທີ່ດີເພື່ອເປີດກ້ວາງການຮ່ວມມືກ່ວາອີກ” ນັ້ນແມ່ນຄຳຢືນຢືນຂອງທ່ານ ໂຕນຊິງແທ່ງ ເອກອັກຄະລັດຖະທູດ ຫວຽດນາມ ປະຈຳ ອິນເດຍ ທີ່ການໂອ້ລົມ, ພົບປະກັບວົງການນັກຂ່າວຕ່າງປະເທດ ແລະ ປະເທດປະຈຳຖິ່ນກ່ຽວກັບການພັດທະນາຂອງ ຫວຽດນາມ ກໍ່ຄືສາຍພົວພັນຮ່ວມມື, ຄູ່ຮ່ວມມືຍຸດທະສາດລະຫວ່າງ 2 ປະເທດ ອິນເດຍ ແລະ ຫວຽດນາມ. ທ່ານເອກອັກຄະລັດຖະທູດ ໂຕນຊິງແທ່ງ ໃຫ້ຮູ້ວ່າ: ຫວຽດນາມ ແມ່ນພື້ນຖານເສດຖະກິດຂະຫຍັນຂັນເຄື່ອນ ພາຍຫລັງ 30 ປີດຳເນີນການປ່ຽນໃໝ່ ແລະ ປະຕິບັດການປະຕິຮູບຢ່າງເລິກເຊິ່ງກ້ວາງຂວາງ, ສ່ວນ ອິນເດຍ ແມ່ນພື້ນຖານເສດຖະກິດໃຫຍ່ ມີລະດັບເຕີບໂຕໄວທີ່ສຸດໃນໂລກ ແລະ ສືບຕໍ່ພັດທະນາ ດ້ວຍລາຄາເຊື້ອເພິງ, ວັດຖຸດິບຫລຸດລົງ, ບັນລຸໄດ້ຄວາມກ້າວໜ້າໃນຫລາຍແຜນການ ແລະ ຂໍ້ລິເລີ່ມປະຕິຮູບ. ດັ່ງນັ້ນ ບັນດາຜົນງານເຊິ່ງ ອິນເດຍບັນລຸໄດ້ໃນຊຸມປີຜ່ານມາ ພ້ອມກັບການພົວພັນທາງການທູດອັນດີງາມລະຫວ່າງ ຫວຽດນາມ - ອິນເດຍ ຈະສ້າງພື້ນຖານທີ່ດີ ເພື່ອພັດທະນາການຮ່ວມມືລະຫວ່າງ 2 ປະເທດກ່ວາອີກ. ແລະກໍ່ໃນການພົບປະແລກປ່ຽນ, ທ່ານເອກອັກຄະລັດຖະທູດ ໂຕນຊິງແທ່ງ ໄດ້ຕອບສຳພາດຕໍ່ນັກຂ່າວກ່ຽວກັບຫລາຍບັນຫາ, ໃນນັ້ນ ສຸມໃສ່ເຂົ້າການພົວພັນຮ່ວມມື ອິນເດຍ - ຫວຽດນາມ ແລະ ບັນຫາທະເລຕາເວັນອອກ. ກ່ຽວກັບບັນຫາທະເລຕາເວັນອອກ, ທ່ານເອກອັກຄະລັດຖະທູດ ຢືນຢັນວ່າ ຫວຽດນາມ ສະໜັບສະໜູນ ແລະ ເພີ່ມທະວີການຮ່ວມມືມິດຕະພາບລະຫວ່າງບັນດາປະເທດຢູ່ທະເລຕາເວັນອອກ, ຊຸກຍູ້ແກ້ໄຂບັນດາການຂັດແຍ້ງກັນດ້ວຍສັນຕິວິທີ ເຄົາລົບຕາມກົດໝາຍສາກົນ, ໃນນັ້ນມີສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) ປີ 1982, ຕາມນັ້ນແລ້ວ ບໍ່ນຳໃຊ້ ຫຼື ນາບຂູ່ນຳໃຊ້ກຳລັງຂອງກອງທັບ, ແກ້ໄຂການຂັດແຍ້ງກັນດ້ວຍມາດຕະການສັນຕິພາບ.