ຫວຽດນາມແລະອາເມລິກາຮ່ວມມືໃນບັນດາໂຄງການຫລຸດຜ່ອນການນາບຂູ່ດ້ານຊີວະພາບ
(ຫວຽດນາມແລະອາເມລິກາຮ່ວມມືໃນບັນດາ
ໂຄງການຫລຸດຜ່ອນການນາບຂູ່ດ້ານຊີວະພາບ)
(vovworld) – ຫວຽດນາມ ແລະ ອາເມລິກາ ຮ່ວມມືໃນບັນດາໂຄງການຫລຸດຜ່ອນການນາບຂູ່ດ້ານຊີວະພາບ ບົດບັນທຶກຊ່ວຍຈຳນີ້ ໄດ້ທ່ານ ກາວດຶກຟາດ ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ແລະ ທ່ານ Ted Osius ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງສະຫະລັດ ອາເມລິກາ ປະຈຳ ຫວຽດນາມ ທີ່ລົງນາມໃນວັນທີ 22/06 ຢູ່ຮ່າໂນ້ຍ. ກ່າວຄຳເຫັນທີ່ພິທີລົງນາມ, ທ່ານ ກາວດຶກຟາດ ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຖືວ່າ: ປະຈຸບັນບັນຫາຄວາມປອດໄພດ້ານຊີວະພາບໄດ້ຮັບຄວາມເອົາໃຈໃສ່ທີ່ສຸດຈາກສາກົນ ເພື່ອແນໃສ່ຫລຸດລົງໄພເກີດ ແລະ ຕິດແປດໂລກພະຍາດໂດຍຜ່ານການພົວພັນລະຫວ່າງສັດ, ພືດ ແລະ ລະບົບຊີວະພາບ. ພາຍຫລັງບົດບັນທຶກຊ່ວຍຈຳນີ້ 2 ຝ່າຍສາມາດມີບາດກ້າວໃຫຍ່ກ່ວາອີກ ເພື່ອແນໃສ່ພົບເຫັນ, ສະກັດກັ້ນບັນດາພະຍາດທີ່ເກີດໃໝ່ໃນອະນາຄົດ ບໍ່ພຽງແຕ່ສຳລັບ ຫວຽດນາມ ເທົ່ານັ້ນ ຫາກຍັງໃຫ້ທົ່ວໂລກອີກດ້ວຍ. ທ່ານ ກາວດຶກຟາດ ໃຫ້ຮູ້ວ່າ:
“ເພື່ອສ້າງພື້ນຖານນິຕິກຳຢ່າງໝັ້ນຄົງ, ຍາວນານໃຫ້ບັນດາການເຄື່ອນໄຫວຮ່ວມມືລະຫວ່າງ 2 ລັດຖະບານ, 2 ຝ່າຍເຫັນວ່າ: ຈຳເປັນຕ້ອງລົງນາມໃນເອກະສານຮ່ວມມືສະບັບໜຶ່ງ ເພື່ອເພີ່ມທະວີ ແລະ ເປີດກ້ວາງບັນດາການເຄື່ອນໄຫວໃນອະນາຄົດ. ພວກຂ້າພະເຈົ້າຫວັງວ່າ: ບົດບັນທຶກຊ່ວຍຈຳດັ່ງກ່າວ ຈະເປັນພື້ນຖານ ເພື່ອໃຫ້ 2 ຝ່າຍມີການຮ່ວມມືຫລາຍກ່ວາອີກໃນອະນາຄົດ.”
ສ່ວນທ່ານເອກອັກຄະລັດຖະທູດ ອາເມລິກາ ປະຈຳ ຫວຽດນາມ Ted Osius ເນັ້ນໜັກວ່າ: ບົດບັນທຶກຊ່ວຍຈຳສະແດງໃຫ້ເຫັນຄວາມມານະພະຍາຍາມໃນການພົວພັນ 2 ຝ່າຍລະຫວ່າງ ຫວຽດນາມ ແລະ ອາເມລິກາ ທີ່ບັນລຸໄດ້ໃນໄລຍະຜ່ານມາ. ພ້ອມທັງຊຸກຍູ້ເພີ່ມທະວີການຮ່ວມມືຕິດຕາມກວດກາພະຍາດໃຫ້ສັດໃນຂົງເຂດສັດຕະວະແພດ ແລະ ຕິດຕາມ ພະຍາດທີ່ເກີດໃໝ່ ດ້ວຍຈຸດໝາຍສຸດທ້າຍແມ່ນຮັບປະກັນຄວາມປອດໄພດ້ານສຸຂະພາບໃຫ້ປະຊາຊົນ ຫວຽດນາມ ແລະ ລຸ້ນຄົນໃນອະນາຄົດ.