(ພາບປະກອບ)
(vovworld) – “ຫວຽດນາມ ໃຫ້ຄຳໝັ້ນສັນຍາຈະໜູນຊ່ວຍ ລາວ ພັດທະນາ ກິລາ ກາຍຍະກຳ” ນີ້ແມ່ນຄຳຢືນຢັນຂອງທ່ານ ເຈີ່ນດຶກເຟີ໋ນ, ຮອງຫົວໜ້າກົມໃຫຍ່ ກິລາ ກາຍຍະກຳ ໃນວັນທີ 2/11 ທີ່ການຕ້ອນຮັບ ແລະ ເຮັດວຽກກັບຄະນະພະນັກງານກະຊວງສຶກສາທິການ ແລະ ກິລາແຫ່ງຊາດ ລາວ ຢູ່ຮ່າໂນ້ຍ ໂດຍທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ ເປັນຫົວໜ້າຄະນະ. ທ່ານ ເຈີ່ນດຶກເຟີ໋ນ, ຮອງຫົວໜ້າກົມໃຫຍ່ກິລາກາຍຍະກຳ ຍັງເນັ້ນໜັກວ່າ: ກິລາ ຫວຽດນາມ ໃຫ້ຄຳໝັ້ນສັນຍາຈະມານະພະຍາຍາມໜູນຊ່ວຍກິລາ ລາວ ໃຫ້ນັບມື້ນັບພັດທະນາແຮງ ນັບແຕ່ວຽກງານການຝຶກອົບຮົມກໍ່ສ້າງນັກກິລາ, ແລກປ່ຽນບົດຮຽນ, ຝຶກອົບຮົມໃຫ້ບັນດາ ຄູຝຶກກິລາປະເພດຕ່າງໆ ກໍຄືບັນດາວຽກງານກ່ຽວຂ້ອງເຖິງການພັດທະນາກິລາກາຍຍະກຳລະຫວ່າງ 2 ປະເທດ.
ສ່ວນທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ ແຫ່ງຊາດ ລາວ ປາດຖະໜາວ່າ: ເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ ຫວຽດນາມ ໃນຄັ້ງນີ້, ຄະນະຈະໄດ້ຮັບການແບ່ງປັນບົດຮຽນກ່ຽວກັບວຽກງານການຄຸ້ມຄອງ, ຝຶກແອບ ກໍຄືການຈັດຕັ້ງບັນດາການແຂ່ງຂັນສາກົນຢ່າງມີຜົນປະໂຫຍດ ແລະ ແທດຈິງ.