(vovworld) – ແຕ່ວັນທີ 16 – 17/6, ວາລະປະຊຸມຄັ້ງທີ 26 ສະພາສິດທິມະນຸດ ສປຊ ດຳເນີນການເຄື່ອນໄຫວສຳຄັນຕ່າງໆກ່ຽວຂ້ອງເຖິງຄວາມສະເໝີພາບລະຫວ່າງຍິ່ງ - ຊາຍ, ໃນນັ້ນມີການໂອ້ລົມສົນທະນາກັບບັນດານັກປາຖະກະຖາພິເສດກ່ຽວກັບສິດສຶກສາ ແລະ ຕ້ານຈຳແນກການປະພຶດກັບແມ່ຍິງ, ການປະຊຸມຂ່າວຂັ້ນສູງກ່ຽວກັບບາງຫົວຂໍ້ກ່ຽວຂ້ອງເຖິງສິດຂອງແມ່ຍິງ. ທ່ານເອກອັກຄະລັດຖະທູດ ຫງວຽນແທ່ງຈູງ, ຫົວໜ້າຄະນະຫວຽດນາມ ປະຈຳ ສປຊ, ກ່າວຄຳເຫັນທີ່ກອງປະຊຸມນີ້. ທ່ານເອກອັກຄະລັດຖະທູດ ຫງວຽນແທ່ງຈູງ ແບ່ງປັນບົດຮຽນຂອງ ຫວຽດນາມ ກ່ຽວກັບການປະຕິບັດບັນດາຈຸດໝາຍພັດທະນາສະຫັດສະຫວັດ (MDGs), ໃນນັ້ນໃຫ້ບຸລິມະສິດປະຕິບັດ ແລະ ສຳເລັດຈຸດໝາຍກ່ຽວກັບຄວາມສະເໝີພາບລະຫວ່າງ ຍິງ - ຊາຍ. ຜ່ານບົດຮຽນຂອງຕົນ, ຫວຽດນາມ ຖືວ່າ: ເພື່ອໃຫ້ປະຊາຄົມໂລກ ອາດຈະປຶກສາຫາລື, ກໍ່ສ້າງ ແລະ ປະຕິບັດໂຄງການດຳເນີນງານກ່ຽວກັບການພັດທະນາແບບຍືນຍົງ, ໃນນັ້ນ ຮັບປະກັນ ແລະ ຊຸກຊູ້ຄວາມສະເໝີພາບລະຫວ່າງຍິງ - ຊາຍ ແລະ ສິດຂອງແມ່ຍິງ, ແມ່ຍິງຕ້ອງໄດ້ຮັບການມອບສິດ ແລະ ໄດ້ຮັບການສ້າງເງື່ອນໄຂ້ເຂົ້າຮ່ວມວິວັດການນີ້ຢ່າງຄົບຖ້ວນ.