ກອງປະຊຸມທົບທວນຄືນເລື່ອງປະຕິບັດສົນທິສັນຍາບໍ່ແຜ່ຂະຫຍາຍ
ອາວຸດນິວເຄຼຍ (NPT)
(ພາບ: AFP/TTXVN)
|
(vovworld) – ພາຍຫຼັງເຮັດວຽກມາເປັນເວລາ 4 ອາທິດຢ່າງຮີບດ່ວນ, ກອງປະຊຸມທົບທວນຄືນເລື່ອງປະຕິບັດສົນທິສັນຍາບໍ່ແຜ່ຂະຫຍາຍອາວຸດນິວເຄຼຍ (NPT) ໄດ້ສິ້ນສຸດລົງຢູ່ສຳນັກງານໃຫຍ່ຂອງ ສປຊ ຢູ່ ນິວຢອກ, ປະເທດ ອາເມລິກາ. ໂດຍຖືກຈັດຕັ້ງ 5 ປີເທື່ອໜຶ່ງ, ກອງປະຊຸມກວດກາເລື່ອງປະຕິບັດ NPT ແມ່ນເວທີປາໄສສຳຄັນເພື່ອຊຸກຍູ້ເລື່ອງປະຕິບັດທຸກໆຂໍ້ມາດຕາຂອງສັນຍານີ້ໃນຂອບເຂດທົ່ວໂລກຢ່າງເຂັ້ມງວດ.
ກ່າວຄຳເຫັນທີ່ກອງປະຊຸມ, ຫົວໜ້າຄະນະຜູ້ແທນ ຫວຽດນາມ, ທ່ານນາງ ເອກອັກຄະລັດຖະທູດ ຫງວຽນເຟືອງງາ, ຫົວໜ້າຄະນະປະຕິບັດງານຫວຽດນາມ ປະຈຳ ສປຊ, ຢັ້ງຢືນວ່າ: ຫວຽດນາມ ໃຫ້ຄຳໝັ້ນສັນຍາປະຕິບັດບັນດາບົດບາດໜ້າທີ່ໂດຍ ສົນທິສັນຍາ NPT ກຳນົດ, ຍາມໃດກໍ່ເຄົາລົບນັບຖືບັນດາມາດຖານ ແລະ ຂໍ້ກຳນົດສາກົນກ່ຽວຂ້ອງເຖິງພື້ນຖານໂຄງລ່າງໃຫ້ແກ່ການນຳໃຊ້ພະລັງງານນິວເຄຼຍຢູ່ ຫວຽດນາມ. ພິເສດແມ່ນການຮັບປະກັນຄວາສະຫງົບ ແລະ ຄວາມປອດໄພດ້ານນິວເຄຼຍ. ທ່ານນາງເອກອັກຄະລັດຖະທູດ ຫງວຽນເຟືອງງາ ກໍ່ເນັ້ນໜັກເລື່ອງ ຫວຽດນາມ ຕັ້ງໜ້າເຂົ້າຮ່ວມບັນດາຂໍ້ລິເລີ່ມ, ກົນໄກສາກົນກ່ຽວກັບການຫລຸດຜ່ອນ ແລະ ຕ້ານການແຜ່ຂະຫຍາຍອາວຸດນິວເຄຼຍ ແລະ ເພີ່ມທະວີການຮ່ວມມືນຳໃຊ້ພະລັງງານນິວເຄຼຍເພື່ອຈຸດປະສົງສັນຕິພາບ.