(vovworld) – ຕອນເຊົ້າວັນທີ 16/9, ກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດ ບັນດາປະເທດ ອາຊີຕາເວັນອອກສ່ຽງໃຕ້ ຄັ້ງທີ 35 (AIPA – 35) ໄຂຂຶ້ນຢູ່ນະຄອນຫຼວງ ວຽງຈັນ, ປະເທດລາວ, ໂດຍພາຍໃຕ້ການເປັນປະທານຂອງທ່ານນາງ ປານີ ຢາທໍ່ຕູ້, ປະທານສະພາແຫ່ງຊາດ ລາວ, ປະທານ AIPA 35. ກ່າວຄຳເຫັນທີ່ພິທີໄຂ, ທ່ານນາງ ປານີ ຢາທໍ່ຕູ້, ປະທານສະພາແຫ່ງຊາດ ລາວ ຢັ້ງຢືນວ່າ: ກອງປະຊຸມ AIPA ແມ່ນເວທີປາໄສໃຫຍ່, ສຳຄັນສຳລັບສະພາແຫ່ງຊາດບັນດາປະເທດ ອາຊຽນ. AIPA -35 ຄັ້ງນີ້ຖືກຈັດຂຶ້ນໃນສະພາບການພາກພື້ນ ແລະ ສາກົນມີການຜັນແປສັບສົນ, ໃນນັ້ນມີທັງກາລະໂອກາດ ແລະ ສີ່ງທ້າທາຍ. ດັ່ງນັ້ນ, ຫົວຂໍ້ “ເພີ່ມທະວີການຮ່ວມມືສະພາແຫ່ງຊາດໃນປະຊາຄົມ ອາຊຽນ” ຂອງ AIPA 35 ແມ່ນເໝາະສົມກັບສະພາບການຕົວຈິງເພື່ອແນໃສ່ກ້າວເຂົ້າສູ່ປະຊາຄົມ ອາຊຽນ ໃນປີ 2015. ທ່ານນາງ ປານີ ຢາທໍ່ຕູ້ ເນັ້ນໜັກການສົມທົບລະຫວ່າງ AIPA ແລະ ອາຊຽນ ໄດ້ຮັບການປັບປຸງເປັນລະບົບ. ສິ່ງດັ່ງກ່າວສະແດງໃຫ້ເຫັນໃນເງື່ອນໄຂໃໝ່, ການສ້າງຕັ້ງປະຊາຄົມ ອາຊຽນ ດ້ວຍຄຳຂວັນ “ວິໄສທັດໜຶ່ງ, ສີສັນໜຶ່ງ,ປະຊາຄົມໜຶ່ງ” ນັບມື້ນັບມີຄວາມໝາຍ. ໃນບົກກ່າວປາໄສຊົມເຊີຍ AIPA – 35, ທ່ານນາຍົກລັດຖະມົນຕີ ລາວ ທອງສິງ ທຳມະວົງ ເນັ້ນໜັກວ່າ: ລັດຖະບານ ລາວ ສະໜັບສະໜູນບັນດາໂຄງການດຳເນີນງານຂອງເວທີປາໄສ AIPA – 35 ດ້ວຍການຢັ້ງຢືນແມ່ນສະມາຊິກ AIPA, ຍາມໃດ ລາວ ກໍ່ມານະພະຍາຍາມ ປະກອບສ່ວນ ແລະ ປາດຖະໜາໄດ້ຮັບການສະໜັບສະໜູນຈາກບັນດາສະມາຊິກ, ກໍ່ຄືຄູ່ຮ່ວມມື ແລະ ເພື່ອນມິດສາກົນເພື່ອຮັບປະກັນຜົນສຳເລັດກົນໄກຮ່ວມມື ອາຊຽນ ດ້ວຍຈຸດໝາຍລວມແມ່ນສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ.
ພາຍຫຼັງພິທີໄຂ, ກອງປະຊຸມ AIPA – 35 ໄດ້ດຳເນີນວາລະປະຊຸມຄົບຄະນະຄັ້ງທີ 1. ທ່ານປະທານສະພາແຫ່ງຊາດ ຫງວຽນຊິງຮູ່ງ ມີບົດກ່າວປາໄສສະໜັບສະໜູນຫົວຂໍ້ “ເພີ່ມທະວີການຮ່ວມມືລັດຖະສະພາໃນການສ້າງປະຊາຄົມ ອາຊຽນ” ແລະ ໂຄງການດຳເນີນງານຂອງກອງຊຸມ AIPA – 35 ຄັ້ງນີ້. ທ່ານປະທານສະພາແຫ່ງຊາດ ຫງວຽນຊິງຮູ່ງ ເນັ້ນໜັກວ່າ: ບັນດາປະເທດສະມາຊິກ AIPA ພວມຢື່ນຕໍ່ໜ້າບັນດາການລະໂອກາດໃຫຍ່ໃຫ້ແກ່ສັນຕິພາບ, ການຮ່ວມມື ແລະ ພັດທະນາ, ພ້ອມທັງຊີ້ແຈ້ງບັນດາການຜັນແປສັບສົນຂອງສະພາບການເສດຖະກິດ, ຄວາມໝັ້ນຄົງ, ການເມືອງໃນໂລກ, ພິເສດແມ່ນບັນດາການຜັນແປມໍ່ໆມານີ້ຢູ່ທະເລຕາເວັນອອກ ຮຽກຮ້ອງໃຫ້ບັນດາຝ່າຍກ່ຽວຂ້ອງເຄົາລົບກົດໝາຍສາກົນ, ແກ້ໄຂການຂັດແຍ້ງດ້ວຍມາດຕະການໂດຍສັນຕິວິທີ, ກະທຳຢ່າງລະມັດລະວັງ ແລະ ມີຄວາມຮັບຜິດຊອບ. AIPA ຄວນສືບຕໍ່ສ້າງເງື່ອນໄຂອຳນວຍຄວາມສະດວກເພື່ອໃຫ້ບັນດາປະເທດສະມາຊິກ ອາຊຽນ ຜັນຂະຫຍາຍການເຄື່ອນໄຫວຕ່າງໆ, ຍູ້ແຮງການຮ່ວມມືໃນຂົງເຂດນິຕິບັນຍັດ, ຕິດຕາມກວດກາ. ທ່ານປະທານສະພາແຫ່ງຊາດ, ສະເໜີວ່າ:
“ໃນໄລຍະຈະມາເຖິງ, AIPA ຕ້ອງສືບຕໍ່ຜັນຂະຫຍາຍບົດບາດຂອງຕົນໃນການຊຸກຍູ້ລັດຖະບານບັນດາປະເທດສະມາຊິກປະຕິບັດບັນດາຄຳໝັ້ນສັນຍາພາກພື້ນ, ສ້າງເງື່ອນໄຂອຳນວຍຄວາມສະດວກເພື່ອໃຫ້ ອາຊຽນ ແລະ ບັນດາລັດຖະບານສະມາຊິກ ອາຊຽນ ປະຕິບັດວິໄສທັດ ອາຊຽນ ຫຼັງປີ 2015, ຊ່ວຍປະຊາຄົມພັດທະນາເພື່ອຜົນປະໂຫຍດຂອງປະຊາຊົນ, ສົ່ງເສີມການເຂົ້າຮ່ວມຕັ້ງໜ້າ, ເປັນເຈົ້າການຂອງປະຊາຊົນເຂົ້າໃນວິວັດການນີ້. ພ້ອມທັງ AIPA ຕ້ອງສົ່ງເສີມ ອາຊຽນ ເພີ່ມທະວີ ແລະ ເປີດກ້ວາງບັນດາກົນໄກຮ່ວມມືພາຍໃນກຸ່ມ ລະຫວ່າງ ອາຊຽນ ກັບບັນດາຄູ່ຮ່ວມມືພາຍນອກເພື່ອແນໃສ່ຮັບມືຢ່າງທັນການ ແລະ ມີປະສິດທິຜົນສຳລັບບັນດາການທ້າທາຍບໍ່ເຄີຍມີມາກ່ອນພວມພົ້ນເດັ່ນຂຶ້ນຊຶ່ງກ່ຽວຂ້ອງເຖິງສິ່ງແວດລ້ອມ, ແຫຼ່ງນ້ຳ…”