ຫວຽດນາມໃຫ້ຄຳໝັ້ນສັນຍາສ້າງເງື່ອນໄຂສະດວກທີ່ສຸດໃຫ້ແກ່ບັນດານັກລົງທຶນເປຣູ
ທ່ານປະທານປະເທດ ເຈີ່ນດ້າຍກວາງ
ພົບປະກັບຜູ້ຕ່າງໜ້າບັນດາວິສາຫະກິດຂອງ ເປຣູ
(vovworld) - ໃນຂອບເຂດເຂົ້າຮ່ວມກອງປະຊຸມ APEC ຄັ້ງທີ 24, ວັນທີ 18/11 ທ່ານປະທານປະເທດ ເຈີ່ນດ້າຍກວາງ ມີການພົບປະກັບຜູ້ຕ່າງໜ້າບັນດາວິສາຫະກິດຂອງ ເປຣູ.
ທ່ານປະທານປະເທດ ເຈີ່ນດ້າຍກວາງ ແຈ້ງໃຫ້ບັນດາວິສາຫະກິດ ເປຣູ ຊາບກ່ຽວກັບບັນດາຜົນງານເສດຖະກິດ - ສັງຄົມຂອງ ຫວຽດນາມ ພາຍຫລັງກ່ວາ 30 ປີແຫ່ງການປະຕິບັດພາລະກິດປ່ຽນແປງໃໝ່. ທ່ານປະທານປະເທດ ເນັ້ນໜັກເປັນພິເສດເຖິງສະຖຽນລະພາບດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ ຫວຽດນາມ ໄດ້ຮັບປະກັນ, ແມ່ນໜຶ່ງໃນບັນດາເງື່ອນໄຂສຳຄັນທີ່ສຸດ ເພື່ອຊຸກຍູ້ການລົງທຶນຢູ່ ຫວຽດນາມ. ທ່ານປະທານປະເທດໃຫ້ຮູ້ວ່າ: ຫວຽດນາມ ພວມດຳເນີນບັນດາມາດຕະການປັບປຸງສະພາບແວດລ້ອມແຫ່ງການລົງທຶນ, ສ້າງເງື່ອນໄຂສະດວກ ເພື່ອໃຫ້ບັນດານັກລົງທຶນສາກົນ, ໃນນັ້ນມີ ເປຣູ ສາມາດດຳເນີນບັນດາການເຄື່ອນໄຫວລົງທຶນຢູ່ ຫວຽດນາມ. ທ່ານປະທານປະເທດ ເຈີ່ນດ້າຍດວາງ ໃຫ້ຮູ້ວ່າ:
“ຂ້າພະເຈົ້າຢືນຢັນອີກຄັ້ງໜຶ່ງກັບບັນດາວິສາຫະກິດ ເປຣູ ວ່າ: ພວກຂ້າພະເຈົ້າມີແຜນນະໂຍບາຍ ແລະ ກໍ່ແມ່ນບຸລິມະສິດຕົ້ນຕໍຂອງ ຫວຽດນາມ ແມ່ນຍູ້ແຮງ ແລະ ເພີ່ມທະວີການຮ່ວມມືມິດຕະພາບກັບ ເປຣູ. ໃນການຮ່ວມມືດ້ານເສດຖະກິດ, ການຄ້າ ພວກຂ້າພະເຈົ້າ ຖືຕະຫລາດ ເປຣູ ແມ່ນໜຶ່ງໃນບັນດາຕະຫລາດບຸລິມະສິດຍູ້ແຮງການຮ່ວມມືລົງທຶນ. ພວກຂ້າພະເຈົ້າຊົມເຊີຍວິສາຫະກິດ ເປຣູ ເພີ່ມທະວີການລົງທຶນ, ການຮ່ວມມື, ການຜະລິດດຳເນີນທຸລະກິດກັບບັນດາວິສາຫະກິດ ຫວຽດນາມ. ຜ່ານນັ້ນ ຊ່ວຍໃຫ້ 2 ຝ່າຍພ້ອມກັນແບ່ງປັນບົດຮຽນ, ພ້ອມກັນພັດທະນາໃນໄລຍະຈະມາເຖິງ. ”