ຫວຽດນາມໄດ້ຮັບແຕ່ງຕັ້ງ ເປັນນັກປະຖະກະຖາຂອງ ກຳມາທິການກົດໝາຍ ສ.ປ.ຊ
ວາລະປະຊຸມຄົບຄະນະຂອງສະມັດຊາໃຫຍ່ ສ.ປ.ຊ (ພາບປະກອບ) |
Vovworld- ໃນວາລະປະຊຸມຄົບຄະນະຄັ້ງຫຼ້າສຸດຂອງຄະນະກຳມາທິການກົດໝາຍຂອງສະມັດຊາໃຫຍ່ ສ.ປ.ຊ ຊຸດທີ່ 67, ບັນດາຜູ້ແທນໄດ້ເຫັນດີເປັນ ເອກະສັນກັນແຕ່ງຕັ້ງທ່ານ Pham Quang Hieu ທີ່ປຶກສາຄະນະຜູ້ແທນຫວຽດນາມປະຈຳ ສ.ປ.ຊ ໃຫ້ດຳລົງຕຳແໜ່ງນັກປະຖະກະຖາຂອງຄະນະກຳມາທິການດັ່ງກ່າວ. ນີ້ແມ່ນຜູ້ຕາງໜ້າໃຫ້ແກ່ພາກພື້ນອາຊີ, ເຂົ້າຮ່ວມໃນກົນໄກ ບໍລິຫານວຽກງານຂອງຄະນະກຳມາທິການ. ດ້ວຍຖານະເປັນນັກປະຖະກະຖາ, ຜູ້ຕາງໜ້າຂອງຫວຽດນາມຈະເຂົ້າຮ່ວມບັນດາວຽກງານຂອງ ສ.ປ.ຊ ໃນບັນຫາກົດໝາຍ ຄືເຂົ້າຮ່ວມການບໍລິຫານ, ປະສານງານ, ລວບລວມລາຍງານບັນດາວຽກງານ ແລະ ຕາງໜ້າໃຫ້ຄະນະກຳມາທິການຍືນສະເໜີບັນດາຮ່າງມະຕິເພື່ອໃຫ້ສະມັດຊາໃຫຍ່ຮັບຮອງເອົາໃນບັນດາວາລະປະຊຸມ. ເຫດການນີ້ໄດ້ຊ່ວຍໃຫ້ຫວຽດນາມມີເງື່ອນໄຂເຂົ້າຮ່ວມບັນດາການເຄື່ອນໄຫວສາກົນຢ່າງເລິກເຊິ່ງ ແລະ ກ້ວາງຂວາງ, ມີປະສິດທິຜົນ.