ຫວຽດນາມໝັ້ນໝາຍພ້ອມກັບ ປະຊາຄົມຮັບມືກັບ ການປ່ຽນແປງຂອງດິນຟ້າອາກາດ
(ພາບປະກອບ) |
ຫວຽດນາມແມ່ນໜຶ່ງໃນບັນດາປະເທດພວມພັນທະນາທຳອິດໃນໂລກໄດ້ສຳເລັດບົດລາຍງານ 2 ປີເທື່ອໜຶ່ງໃຫ້ແກ່ສົນທິສັນຍາແມ່ຂອງ ສ.ປ.ຊ ກ່ຽວກັບ ການປ່ຽນແປງຂອງດິນຟ້າອາກາດ ຊຶ່ງໄດ້ຮັບການຕີລາຄາສູງຈາກປະຊາຄົມໂລກ. ນີ້ແມ່ນພະຍານຫຼັກຖານລະອຽດ ແລະ ແທດຈິງກ່ຽວກັບການປະຕິບັດຄຳໝັ້ນໝາຍຂອງຫວຽດນາມພ້ອມກັບ ປະຊາຄົມໂລກໃນການຮັບມືກັບ ການປ່ຽນແປງຂອງດິນຟ້າອາກາດ ກໍຄືເຮັດຫຼ້ອນພັນທະຂອງປະເທດພວມພັນທະນາເຂົ້າຮ່ວມສັນທິສັນຍາກ່ຽວກັບດິນຟ້າອາກາດ.
ທ່ານຝ້າມວັນເຕີນ ຮອງຫົວໜ້າອຸຕຸນິຍົມ, ອຸໂທກກະສາດ ແລະ ການປ່ຽນແປງຂອງດິນຟ້າອາກາດ, ກະຊວງຊັບພະຍາກອນ ແລະ ສິ່ງແວດລ້ອມໃຫ້ຮູ້ວ່າ
“ ກະຊວງຊັບພະຍາກອນ ແລະ ສິ່ງແວດລ້ອມຖືກນາຍົກລັດຖະມົນຕີມອບໝາຍໃຫ້ສົມທົບກັບບັນດາກະຊວງ, ຂະແໜງການຕ່າງໆສ້າງແຜນການປະກອບສວ່ນໂດຍປະເທດຊາດຕັດສິນ. ແຜນການປະກອບສວ່ນນີ້ມີທັງປະກອບສ່ວນກ່ຽວກັບການຫຼຸດຜ່ອນອາຍພິດເຮືອນແກ້ວ, ການປະກອບສ່ວນເຂົ້າໃນການດັບປັບໃຫ້ແທດເໝາະກັບ ການປ່ຽນແປງຂອງດິນຟ້າອາກາດ ແລະ ມອບໂອນເຕັກໂນໂລຢີ, ການເງິນ. ພວກຂ້າພະເຈົ້າປາຖະໜາວ່າຈະສຳເລັດໃນເດືອນ 5 ເພື່ອຍືນສະເໜີລັດຖະບານພິຈາລະນາ, ແລ້ວກໍຍືນສະເໜີຕໍ່ຄະນະເລຂາສົນທິສັນຍາແມ່ຂອງ ສ.ປ.ຊ ກ່ຽວກັບ ການປ່ຽນແປງຂອງດິນຟ້າອາກາດ. ”