(ພາບປະກອບ)
(vovworld) - ວັນທີ 09/08, ບັນດາການເຄື່ອນໄຫວສະເຫຼີມສະຫຼອງ 51 ປີແຫ່ງວັນສະຖາປະນາປະເທດ ສິງກະໂປ ໄດ້ຈັດຕັ້ງຢູ່ສະຖານທີ່ຫລາຍແຫ່ງໃນທົ່ວປະເທດນີ້, ດ້ວຍຈຸດພົ້ນເດັ່ນແມ່ນພິທີສະເຫຼີມສະຫຼອງຖືກຈັດຂຶ້ນຢ່າງເປັນທາງການຢູ່ສະໜາມກິລາແຫ່ງຊາດໃນຕອນຄ່ຳວັນດຽວກັນ. ເຂົ້າຮ່ວມພິທີມີທ່ານປະທານາທິບໍດີ Tony Tan, ທ່ານນາຍົກລັດຖະມົນຕີ ຫຼີຊຽນຫຼົງ ແລະ ພ້ອມກັບບັນດາເຈົ້າໜ້າທີ່ຂັ້ນສູງໃນລັດຖະບານ. ດ້ວຍຫົວເລື່ອງ ກໍ່ສ້າງອະນາຄົດໃຫ້ ສິງກະໂປ, ພິທີສະເຫຼີມສະຫຼອງວັນຊາດໃນປີນີ້ ໄດ້ຈັດຕັ້ງຕາມເລື່ອງລາວກ່ຽວກັບວິວັດທະນາການສ້າງຕັ້ງ ແລະ ພັດທະນາຂອງປະເທດຊາດ ຜ່ານບັນດາໄລຍະ ແລະ ມຸ່ງໄປເຖິງອະນາຄົດອັນດີງາມກ່ວາ. ຈຸດພົ້ນເດັ່ນໃນການເຄື່ອນໄຫວສະເຫຼີມສະຫຼອງວັນຊາດຄັ້ງທີ 51 ຂອງ ສິງກະໂປ ແມ່ນມີພຽງແຕ່ມີບັນດາການເດີນຂະບວນຂອງເຫຼົ່າຮົບເຫຼົ່າທັບຕ່າງໆ ພ້ອມກັບກຸ່ມກ້ອນມະຫາຊົນ ມຸ່ງໄປເຖິງການກໍ່ສ້າງປະເທດ ສິງກະໂປ ມີຄວາມສາມັກຄີ ເປັນເອກະພາບ.