(vovworld) - ຕອນເຊົ້າວັນທີ 13/3, ຄະນະປະຈຳສະພາແຫ່ງຊາດ ໄດ້ຈັດຕັ້ງກອງປະຊຸມສະມາຊິກສະພາແຫ່ງຊາດສະເພາະກິດເພື່ອແນໃສ່ປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ. ນະທີ່ນີ້, ບັນດາສະມາຊິກສະພາແຫ່ງຊາດ ໄດ້ປະກອບຫຼາຍຄຳເຫັນເຂົ້າໃນບັນດາບັນຫາໃຫຍ່ໃນຮ່າງລັດຖະທຳມະນູນຄື: ຄຳນຳ, ບົດບາດນຳພາຂອງພັກ, ສິດທິມະນຸດ, ສິດ ແລະ ພັນທະພື້ນຖານຂອງພົນລະເມືອງ... ກ່ຽວຂ້ອງເຖິງບົດແນະນຳຂອງຄະນະກຳມະການປັບປຸງລັດຖະທຳມະນູນສົ່ງເສີມປະຊາຊົນສືບຕໍ່ປະກອບຄຳເຫັນໃສ່ຮ່າງລັດຖະທຳມະນູນຮອດວັນທີ 30/9/2013 ກ່ອນທີ່ຍື່ນສະເໜີໃຫ້ສະພາແຫ່ງຊາດຮັບຮອງເອົາ, ທ່ານຮອງປະທານສະພາແຫ່ງຊາດ ຫວຽດນາມ ອວງຈູລີວ ຢັ້ງຢືນວ່າ:
“ນີ້ແມ່ນສິດອຳນາດຂອງສະພາແຫ່ງຊາດ ທີ່ໄດ້ລະບຸຢ່າງຈະແຈ້ງໃນມະຕິ 38. ນີ້ກໍ່ແມ່ນຄວາມມຸ່ງມາດປາດຖະໜາຂອງປະຊາຊົນ, ບັນດາທ້ອງຖິ່ນ. ຖ້າຫາກສິ້ນສຸດການຮັບເອົາຄຳເຫັນໃສ່ຮ່າງລັດຖະທຳມະນູນໃນວັນທີ 31/3 ຫຼັງຈາກນັ້ນທຸກຄົນບໍ່ມີສິດປະກອບຄຳເຫັນໃສ່ຮ່າງລັດຖະທຳມະນູນແມ່ນບໍ່ມີປະຊາທິປະໄຕ ແລະ ບໍ່ສາມາດຮັບເອົາຄຳເຫັນຂອງປະຊາຊົນຢ່າງຄົບຖ້ວນ. ດັ່ງນັ້ນໃນບົດແນະນຳໄດ້ເວົ້າວ່າ: ພາຍຫຼັງວັນທີ 31/3 ບັນດາອົງການ, ຫົວໜ່ວຍຕ່າງໆຍັງມີສິດສົ່ງຄຳເຫັນປະກອບໃສ່ຮ່າງລັດຖະທຳມະນູນ.”
ຢູ່ແຂວງ ຮ່າຕິ້ງ, ພາຍຫຼັງດຳເນີນມາເປັນເວລາ 2 ເດືອນ, ມີກ່ວາ 150.000 ອົງການ, ຫົວໜ່ວຍ, ສ່ວນບຸກຄົນ ໄດ້ເຂົ້າຮ່ວມການປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ. ເມື່ອປະກອບຄຳເຫັນໃສ່ ມາດຕາ 4 ໃນຮ່າງລັດຖະທຳມະນູນສະບັບປັບປຸງ ແລະ ບົດບາດນຳພາຂອງພັກ ທີ່ມີຕໍ່ກຳລັງປະກອບອາວຸດ, ພັນໂທ ຫວໍຈ້ອງຫາຍ, ຮອງຜູ້ບັນຊາການໃຫຍ່ກຳລັງທະຫານປ້ອງກັນຊາຍແດນແຂວງ ຮ່າຕິ້ງ ຖືວ່າ:
“ໃນກຳລັງປະກອບອາວຸດຂອງພວກຂ້າພະເຈົ້າ, ການປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງຂອງພະນັກງານ, ນັກຮົບແມ່ນດີຫຼາຍ. ຍ້ອນວ່າ, ອ້າຍນ້ອງໄດ້ກຳນົດວ່າ: ປະເທດຊາດໄດ້ຜ່ານຜ່າຫຼາຍລຸ້ນຄົນເພື່ອສ້າງສາປະເທດຊາດແລ້ວ, ປະຈຸບັນ ເດີນຕາມທັດສະນະມີພຽງແຕ່ພັກດຽວເທົ່ານັ້ນ, ປະເທດມີຫຼາຍພັກແມ່ນສັບສົນຫຼາຍ.”
ແລະກໍ່ໃນວັນດຽວກັນ, ສະມາຄົມທະນາຍຄວາມ ຫວຽດນາມ ກໍ່ໄດ້ຈັດຕັ້ງກອງປະຊຸມສຳມະນາປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ. ທີ່ກອງປະຊຸມສຳມະນາ, ບັນດາຜູ້ແທນໄດ້ຕີລາຄາສູງເນື້ອໃນຮ່າງລັດຖະທຳມະນູນກ່ຽວກັບບັນດາຈຸດໃໝ່, ມີຄວາມກ້າວໜ້າຫຼາຍ, ສາມາດທ່ວງທັນສຳລັບບັນດາການພົວພັນສັງຄົມທັນສະໄໝ.