ທ່ານນາງ ເຈືອງທິມາຍຕ້ອນຮັບຄະນະຜູ້ແທນ
“ແບບຢ່າງໜຸ່ມທີ່ດີເດັ່ນ” ທະຫານປ້ອງກັນຊາຍແດນ
(vovworld) - ຕອນບ່າຍວັນທີ 01/03 ຢູ່ຮ່າໂນ້ຍ, ທ່ານນາງ ເຈືອງທິມາຍ ຫົວໜ້າຄະນະຂົນຂວາຍປະຊາຊົນສູນກາງ ຫວຽດນາມ ໃຫ້ການຕ້ອນຮັບຄະນະຜູ້ແທນ “ແບບຢ່າງໜຸ່ມທີ່ດີເດັ່ນ” ທະຫານປ້ອງກັນຊາຍແດນ. ນີ້ແມ່ນບັນດາພະນັກງານ, ນັກຮົບຈະໄດ້ຮັບການຍ້ອງຍໍໃນພິທີສະເຫຼີມສະຫຼອງວັນປ້ອງກັນຊາຍແດນໃນທົ່ວປວງຊົນ 03/03. ທ່ານນາງ ເຈືອງທິມາຍ ຕີລາຄາສູງການປະກອບສ່ວນຂອງທະຫານປ້ອງກັນຊາຍແດນ, ພິເສດແມ່ນບັນດາແບບຢ່າງໜຸ່ມທີ່ດີເດັ່ນ ຍາມໃດກໍ່ສຳເລັດໜ້າທີ່ ເຊິ່ງພັກ, ລັດ, ປະຊາຊົນມອບໝາຍໃຫ້ເປັນຢ່າງດີ. ທ່ານນາງ ເຈືອງທິມາຍ ຖືວ່າ: ຊາວໜຸ່ມແມ່ນກຳລັງແກ່ນສານ, ປະຈັນບານ, ແມ່ນລຸ້ນສືບທອດຂອງພັກ, ດັ່ງນັ້ນ ຖັນແຖວຊາວໜຸ່ມ, ໃນນັ້ນ ມີຊາວໜຸ່ມປ້ອງກັນຊາຍແດນ ຄວນມີສະຕິໄດ້ຄວາມຮັບຜິດຊອບ, ພັນທະຂອງຕົນ ໃນການປະຕິບັດສຳເລັດໜ້າທີ່ໄດ້ຮັບການມອບໝາຍເປັນຢ່າງດີ, ສູ້ຊົນ, ເຕີບໃຫຍ່ຂະຫຍາຍຕົວ, ເໝາະສົມກັບຄວາມໄວ້ເນື້ອເຊື່ອໃຈຂອງການນຳພັກ, ລັດ. ທ່ານນາງ ເຈືອງທິມາຍ ເຊື່ອໝັ້ນວ່າ ຖັນແຖວຊາວໜຸ່ມທະຫານປ້ອງກັນຊາຍແດນ, ພິເສດແມ່ນບັນດາແບບຢ່າງດີເດັ່ນ ຍາມໃດກໍ່ຮັກສາ, ເສີມຂະຫຍາຍມູນເຊື້ອອັນສະຫງ່າລາສີ, ມີຄຸນນະທາດໝັ້ນຄົງ, ຮັກສາຄຸນສົມບັດ, ມີວິຖີຊີວິດປອດໄສ, ສຸດຈິດສຸດໃຈຕໍ່ວຽກງານ, ມີຫົວຄິດປະດິດສ້າງ, ສະຫລາດສະຫລຽວ, ພ້ອມແລ້ວທີ່ຈະເສຍສະຫຼະຊີວິດເພື່ອປະຊາຊົນ.