ຫົວໜ້າຄະນະຂົນຂວາຍປະຊາຊົນສູນກາງຕ້ອນຮັບບັນດາຄະນະຜູ້ມີຍົດຖາບັນດາສັກ
ທ່ານນາງ ເຈືອງທິມາຍ ແລະ ພະອາຈານ ທິກແທງຫຍຽວ
|
(vovworld) - ຕອນບ່າຍວັນທີ 19/1, ຢູ່ຮ່າໂນ້ຍ, ທ່ານນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນສູນກາງ ໄດ້ໃຫ້ການຕ້ອນຮັບຄະນະສູນກາງສະມາຄົມພຸດທະສາສະໜາ ຫວຽດນາມ, ຄະນະກຳມະການສາມັກຄີຊາວຄຼິດ ຫວຽດນາມ ມາຢ້ຽມຢາມ, ອວຍພອນປີໃໝ່.
ໃນການຕ້ອນຮັບຄະນະສູນກາງສະມາຄົມພຸດທະສາສະໜາ ຫວຽດນາມ ໂດຍພະອາຈານ ທິກແທງຫຍຽວ, ຮອງປະທານຜູ້ປະຈຳການສະພາບໍລິຫານ ນຳໜ້າ, ທ່ານນາງ ເຈືອງທິມາຍ ໄດ້ຮັບຮູ້ບັນດາຜົນງານທີ່ສະມາຄົມພຸດທະສາສະໜາ ຫວຽດນາມ ບັນລຸໄດ້ໃນປີຜ່ານມາ, ການສົມທົບກັນເປັນຢ່າງດີລະຫວ່າງວຽກງານສາສະໜາ ແລະ ການດຳລົງຊິວິດ, ສະໜິດຕິດພັນກັບຄະນະຂົນຂວາຍປະຊາຊົນສູນການບົນຈິດໃຈລວມແມ່ນສ້າງສາ ແລະ ພັດທະນາປະເທດຊາດ, ຮັບໃຊ້ປະຊາຊົນ ແລະ ຮັບໃຊ້ການພັດທະນາຂອງສະມາຄົມພຸດທະສາສະໜາ. ທ່ານນາງເຈືອງທິມາຍ ຫວັງວ່າ ຄະນະປະຈຳສະພາບໍລິຫານພຸດທະສາສະໜາ ຫວຽດນາມ ຊີ້ນຳກອງປະຊຸມໃຫຍ່ພຸດທະສາສະໜາທຸກຂັ້ນສຳເລັດຜົນ, ມຸ່ງໄປເຖິງກອງປະຊຸມໃຫຍ່ຜູ້ແທນພຸດທະສາສະໜາທົ່ວປະເທດຄັ້ງທີ 8, ຢັ້ງຢືນວ່າ ຄະນະຂົນຂວາຍປະຊາຊົນຈະເອົາໃຈໃສ່, ສ້າງເງື່ອນໄຂເພື່ອໃຫ້ກອງປະຊຸມໃຫຍ່ໄດ້ຮັບການຈັດຕັ້ງປະສົບຜົນສຳເລັດຢ່າງຈົບງາມ.
ເມື່ອຕ້ອນຮັບຄະນະກຳມະການສາມັກຄີຊາວຄຼິດ ຫວຽດນາມ ໂດຍຄຸນພໍ່ ເຈີ່ນຊວນແມ້ງ, ຮອງປະທານ ທັງເປັນເລຂາທິການໃຫຍ່ນຳໜ້າ, ທ່ານນາງ ເຈືອງທິມາຍ ຫວັງວ່າ ຄະນະກຳມະການສາມັກຄີຊາວຄຼິດ ຫວຽດນາມ ດ້ວຍບົດບາດແມ່ນສະມາຊິກຂອງແນວໂຮມປະເທດຊາດ ຫວຽດນາມ, ສືບຕໍ່ມີບັນດາການປະກອບສ່ວນຢ່າງຕັ້ງໜ້າໃຫ້ຊາວຄຼິດ, ກໍ່ຄືການເຄື່ອນໄຫວຂອງແນວໂຮມ, ເປັນຈິດໜຶ່ງໃຈດຽວໃນການສ້າງສາປະເທດຊາດໃຫ້ນັບມື້ນັບພັດທະນາ. ທ່ານນາງກໍ່ຢືນຢັນວ່າຄະນະຂົນຂວາຍປະຊາຊົນສູນກາງ ຈະສະໜັບສະໜູນ, ໜູນຊ່ວຍເພື່ອໃຫ້ຄະນະກຳມະການເຄື່ອນໄຫວເປັນຢ່າງດີ.