( vovworld ) - ໃນຂອບເຂດເວທີປາໄສຫວຽດນາມ - ອາເມລິກາລາຕີນ ກ່ຽວກັບດ້ານການຄ້າ ແລະ ການລົງທຶນທີ່ດຳເນີນຢູ່ຮ່າໂນ້ຍ, ວັນທີ 6/7, ຫົວໜ້າຄະນະຜູ້ແທນ 11 ປະເທດອາເມລິກາລາຕີນ ໄດ້ໄປຢ້ຽມຢາມ ແລະ ເຮັດວຽກຢູ່ແຂວງກວາງນິງ. ນະທີ່ນີ້, ທ່ານປະທານສະພາປະຊາຊົນແຂວງກວາງນິງ Nguyen Duc Long ໃຫ້ຮູ້ວ່າ, ກວາງນິງ ພວມຍູ້ແຮງການສົ່ງເສີມການລົງທຶນ, ດຶງດູດ, ຮຽກຮ້ອງການລົງທຶນເຂົ້າບັນດາໂຄງການຢູ່ແຂວງກວາງນິງ, ໂດຍສະເພາະແມ່ນບັນດາໂຄງການເຕັກໂນໂລຢີສູງ, ເຕັກໂນໂລຢີສະອາດ. ທ່ານ Nguyen Duc Long ຫວັງວ່າ, ສາຍພົວພັນດ້ານການຄ້າ, ການທ່ອງທ່ຽວ ແລະ ການລົງທຶນຂອງຫວຽດນາມເວົ້າລວມ, ແຂວງ ກວາງນິງເວົ້າສະເພາະ ແລະ ບັນດາປະເທດ ອາເມລິກາລາຕິນ ຈະໄດ້ຮັບການປັບປຸງກວ່າອີກ ພາຍຫຼັງເວທີປາໄສ ຫວຽດນາມ - ອາເມລິກາລາຕີ. ຜູ້ຕ່າງໜ້າຫົວໜ້າຄະນະຜູ້ແທນ 11 ປະເທດອາເມລິກາລາຕີນ ເນັ້ນໜັກເຖິງຄວາມສຳຄັນຂອງເວທີປາໄສ ຫວຽດນາມ - ອາເມລິກາລາຕີນ ກ່ຽວກັບດ້ານການຄ້າ ແລະ ການລົງທຶນ ເຊິ່ງຈັດຂຶ້ນຢູ່ ຮ່າໂນ້ຍ ພ້ອມທັງສະແດງຄວາມປະທັບໃຈ ຕໍ່ການພັດທະນາຢ່າງວ່ອງໄວ, ຄວາມສາມາດບົ່ມຊ້ອນ, ທ່າແຮງຂອງຫວຽດນາມເວົ້າລວມ ແລະ ແຂວງກວາງນິງ ເວົ້າສະເພາະ.