ທີ່ການເຮັດວຽກ ຢູ່ນະຄອນ ອຽນບ໋າຍ ແຂວງ ອຽນບ໋າຍ
(ພາບ: yenbai.org)
(vovworld) – ຕອນເຊົ້າວັນທີ 27/05 ຢູ່ນະຄອນ ອຽນບ໋າຍ ແຂວງ ອຽນບ໋າຍ, ຫົວໜ້າຄະນະອົງການຕາງໜ້າ ຫວຽດນາມ ປະຈຳຕ່າງປະເທດ ອາຍຸການ 2016 – 2019 ໄດ້ເຮັດວຽກກັບຄະນະຊີ້ນຳເຂດຕາເວັນຕົກສ່ຽງເໜືອ. ເຂົ້າຮ່ວມການເຮັດວຽກມີທ່ານ ເຢືອງຈີ໋ຢຸງ ເອກອັກຄະລັດຖະທູດຜູ້ມີອຳນາດເຕັມ, ຫົວໜ້າຜູ້ຕາງໜ້າ ຫວຽດນາມ ປະຈຳ ສະຫະປະຊາຊາດ ແລະ ບັນດາອົງການຈັດຕັ້ງສາກົນ; ມີເອກອັກຄະລັດຖະທູດ, ຫົວໜ້າກົງສູນໃຫຍ່ ຫວຽດນາມ ປະຈຳຕ່າງປະເທດ 18 ທ່ານ; ການນຳບັນດາແຂວງໃນເຂດ.
ທີ່ການເຮັດວຽກ, ທ່ານ ເຫົ່າອາເລ່ັງ ຮອງຫົວໜ້າຄະນະປະຈຳຊີ້ນຳເຂດຕາເວັນຕົກສ່ຽງເໜືອ ລາຍງານຕໍ່ຄະນະປະຕິບັດງານກ່ຽວກັບຄວາມສາມາດບົ່ມຊ້ອນ ແລະ ທ່າແຮງຂອງເຂດຕາເວັນຕົກສ່ຽງເໜືອ. ເຖິງຢ່າງໃດກໍ່ຕາມ ຍ້ອນສະພາບພູມສັນຖານສັບສົນ, ມີຫລາຍຊົນເຜົ່າສ່ວນໜ້ວຍ, ລະດັບຄວາມຮັບຮູ້ແຕກໂຕນກັນ… ເຂດຕາເວັນຕົກສ່ຽງເໜືອ ຍັງແມ່ນເຂດທີ່ປະສົບກັບຄວາມຫຍຸ້ງຍາກ ແລະ ສິ່ງທ້າທາຍຫລາຍຢ່າງ ຄວນໄດ້ຮັບການເອົາໃຈໃສ່ເປັນພິເສດຈາກພັກ, ລັດ ແລະ ບັນດາອົງກັນຈັດຕັ້ງສາກົນ.