ທ່ານຫວູຕາເຫວີຍຫົວໜ້າຄະນະເຈລຈະຈາ 6 ຝ່າຍຂອງຈີນ
(ພາບ: Bloomberg)
(vovworld)- ວັນທີ 17/3, ທ່ານ ຫວູຕາເຫວີຍ ຫົວໜ້າຄະນະເຈລຈະຈາ 6 ຝ່າຍຂອງຈີນ ໄດ້ເດີນທາງໄປນະຄອນຫຼວງພຽງຢາງ ຂອງ ສປປ.ເກົາຫຼີ. ຂ່າວລະອຽດຂອງການຢ້ຽມຢາມຄັ້ງນີ້ບໍ່ທັນໄດ້ປະກາດເທື່ອ ແຕ່ແຫຼ່ງຂ່າວຕ່າງໆໃຫ້ຂໍ້ສັງເກດເວ່າ: ທ່ານຫວູຕາເຫວີຍ ຈະເຈລະຈາກັບບັນດາເຈົ້າໜ້າທີ່ ສປປ.ເກົາຫຼີ, ໃນນັ້ນມີທ່ານຮອງລັດຖະມົນຕີການຕ່າງປະເທດຜູ້ທີໜຶ່ງ ແລະ ແມ່ນຜູ້ຕາງໜ້າບັນຫານິວເຄຼຍຂອງ ສປປ.ເກົາຫຼີ, ທ່ານ Kim Kye Gwan.
ທ່ານຫວູຕາເຫວີຍ ຢ້ຽມຢາມ ສປປ.ເກົາຫຼີ ຄັ້ງຫຼ້າສຸດແມ່ນເມື່ອເດືອນ 11/2013, ກ່ອນທີ່ທ່ານມີການເຈລະຈາກັບຄູ່ຕຳແໜ່ງອາເມລິກາ, ທ່ານ Glyn Davies ຢູ່ປັກກິງ 2,3 ວັນ. ໃນຂະນະນັ້ນ, ກ່າວຄຳເຫັນທີ່ການກັບຄືນປັກກິງ ເມື່ອເດືອນ 1/2014 ຜ່ານມາ, ທ່ານ Davies ໃຫ້ຮູ້ວ່າ: ວໍຊິງຕັນ ແລະ ປັກກິງ ຈະສົມທົບກັນຢ່າງແໜ້ນແຟ້ນໃນການນຳ ສປປ.ເກົາຫຼີ ກັບຄືນສູ່ການເຈລະຈາຄັ້ງຕ່າງໆ “ທີ່ມີຄວາມໝາຍ“ ກ່ຽວກັບບັນຫານິວເຄຼຍຂອງປະເທດນີ້./.