ຫົວໜ້າຄະນະໂຄສະນາສຶກສາສູນກາງພັກ ດິງເທ໋ຮິງ ພົບປະສັງສັນພະນັກງານໂຄສະນາອົບຮົມຄະນະພັກເຂດ ຈີ້ທຽນ - ເຫ້ວ
ເລຮ໋ຽວ - ນັກຂ່າວ VOV ທາງພາກກາງ -
ທ່ານ ດິງເທ໋ຮິງ, ຫົວໜ້າຄະນະໂຄສະນາສຶກສາສູນກາງພັກ ພົບປະສັງສັນພະນັກງານໂຄສະນາອົບຮົມຄະນະພັກເຂດ ຈີ້ທຽນ - ເຫ້ວ
(ພາບ: Quốc Việt/Vietnam+)
(vovworld) – ຄະນະໂຄສະນາສຶກສາສູນກາງພັກ ສົມທົບກັບຄະນະພັກແຂວງເທື່ອທຽນ - ເຫ້ວ ຈັດຕັ້ງການພົບປະສັງສັນພະນັກງານໂຄສະນາອົບຮົມຄະນະພັກເຂດ ຈີ້ທຽນ - ເຫ້ວ ໃນການຕໍ່ສູ້ຕ້ານ ອາເມລິກາ, ເນື່ອງໃນໂອກາດສະເຫຼີມສະຫຼອງ 83 ປີແຫ່ງວັນມູນເຊື້ອວຽກງານໂຄສະນາອົບຮົມຂອງພັກ (1/8/1930 – 1/8/2013). ທີ່ການພົບປະສັງສັນ, ຫົວໜ້າຄະນະໂຄສະນາສຶກສາສູນກາງພັກ ທ່ານ ດິງເທ໋ຮິງ, ຢືນຢັນວ່າ:
“ໃນການຕໍ່ສູ້ຕ້ານ ອາເມລິກາ ກູ້ຊາດ, ວຽກງານໂຄສະນາອົບຮົມໄດ້ປຸກລະດົມນ້ຳໃຈຮັກຊາດ, ມູນເຊື້ອຕໍ່ສູ້ອົງອາດກະຫານ, ບໍ່ຍອມຈຳນົງຂອງຊາດ, ດຶງດູດປະຊາຊົນນັບລ້ານຄົນທີ່ມາຈາກທຸກແຖບຖີ່ນຂອງປະເທດຊາດເຂົ້າຮ່ວມການສູ້ຮົບຕ້ານສັດຕູຜູ້ຮຸກຮານ, ຍາດໄດ້ເອກະລາດມາສູ່ປະເທດຊາດ. ພວກຂ້າພະເຈົ້າແມ່ນຄົນລຸ່ນຫຼັງ, ຍາມໃດກໍ່ຮູ້ບຸນຄຸນຂອງບັນດາຜູ້ໄດ້ປະກອບກຳລັງເຫື່ອແຮງໃນສະໜາມຮົບແນວຄິດ, ວັດທະນະທຳ, ສິລະປະຂອງພັກໃນຊຸມວັນເດືອນປີທີ່ສະຫງ່າລາສີ ແລະ ເຕັມໄປດ້ວຍການເສຍສະຫຼະຊີວິດ, ຄວາມທຸກຍາກລຳບາກ. ຫວັງວ່າ ບັນດາສະຫາຍສືບຕໍ່ປະກອບຄຳເຫັນ ແລະ ບົດຮຽນໃຫ້ແກ່ຂະແໜງໂຄສະນາສຶກສາ, ໃຫ້ຄົນລຸ່ນຫຼັງພວກຂ້າພະເຈົ້າ.”
ເລຮ໋ຽວ - ນັກຂ່າວ VOV ທາງພາກກາງ