(vovworld) - ວັນທີ 4/2, ຫົວໜ້າພັນທະມິດແຫ່ງຊາດ, ຝ່າຍຄ້ານຢູ່ຊີຣີ, ທ່ານ Ahmed Moaz al – Khatib ໄດ້ສະແດງເຈດຕະນາດີຕໍ່ລະບອບຂອງທ່ານປະທານາທິບໍດີ ຊີຣີ Bashar Al Assad ແຕ່ຖະແຫຼງວ່າ: ສະພາບການປະຈຸບັນພວມອີງໃສ່ບາດກ້າວເດີນຕໍ່ໄປຂອງທ່ານ Assad ມຸ້ງໄປສູ່ການໂອ້ລົມສົນທະນາລະຫວ່າງບັນດາຝ່າຍເຂົ້າຮ່ວມສົງຄາມຢູ່ປະເທດຕາເວັນອອກກາງນີ້. ໃນບົດຕອບສຳພາດຂອງຊ່ອງໂທລະພາບ Al – Jazeera, ທ່ານ Khatib ຖືວ່າ: ການເຈລະຈາ ກັບວົງການເຈົ້າໜ້າທີ່ລັດຖະບານບໍ່ແມ່ນການທໍລະຍົດຕໍ່ຝ່າຍຄ້ານ ຍ້ອນວ່າ ອາທິດຜ່ານມາມີບາງຄຳເຫັນຕຳນິຕິຕຽນທ່ານ Khatib ເມື່ອທ່ານນີ້ຖະແຫຼງວ່າ ພ້ອມແລ້ວທີ່ຈະເຈລະຈາ ກັບລະບອບຂອງທ່ານ Assad. ໄປຄຽງຄູ່ກັນນັ້ນ, ທ່ານ Khatib ກໍ່ໄດ້ເລັ່ງລັດທ່ານ Assad ສະແດງຫຼັກໝັ້ນກ່ຽວກັບຂໍ້ລິເລີ່ມໂອ້ລົມສົນທະນາຢ່າງຈະແຈ້ງ ເພື່ອຢຸດຕິການນອງເລືອດ ແລະ ຊ່ວຍໃຫ້ອຳນາດການປົກຄອງລາອອກຈາກຕຳແໜ່ງໂດຍສັນຕິ. ແລະກໍ່ໃນວັນດຽວກັນ, ໃນກອງປະຊຸມສາກົນທີ່ໄດ້ຈັດຕັ້ງຢູ່ Berlin, ທ່ານ Ali Akbar Salehi, ລັດຖະມົນຕີການຕ່າງປະເທດ ອີຣານ ໄດ້ຢັ້ງຢືນເຖິງການສະໜັບສະໜູນດ້ານເສດຖະກິດກັບລະບອບຂອງທ່ານ Assad.