ຫົວໜ້າສະຖານກົງສູນຫວຽດນາມ ປະຈຳ ສະຫວັນນະເຂດ ຍື່ນສານຕາຕັ້ງ
(ພາບ: Hoàng Chương/Vietnam+)
(vovworld) - ທີ່ການຕ້ອນຮັບຫົວໜ້າສະຖານກົງສູນຫວຽດນາມ ທ່ານ ຫງວຽນນາມເກື່ອງ ເຂົ້າຍື່ນສານຕາຕັ້ງຂອງລັດຖະມົນຕີການຕ່າງປະເທດຫວຽດນາມ ເນື່ອງໃນໂອກາດຫາກໍ່ໄດ້ຮັບການແຕ່ງຕັ້ງດຳລົງຕຳແໜ່ງຫົວໜ້າກົງສູນຢູ່ແຂວງ ສະຫວັນນະເຂດ ຂອງລາວ, ທ່ານນາງລັດຖະມົນຕີຊ່ວຍວ່າການກະຊວງການຕ່າງປະເທດລາວ ສູນທອນ ໄຊຍະຈັກ ໄດ້ຊົມເຊີຍ ທ່ານ ຫງວຽນນາມເກື່ອງ ໄດ້ຮັບດຳລົງຕຳແໜ່ງໃໝ່ ແມ່ນຫົວໜ້າກົງສູນໃຫຍ່ຫວຽດນາມ ປະຈຳແຂວງ ສະຫວັນນະເຂດ. ທ່ານນາງ ສູນທອນ ເນັ້ນໜັກຈະສືບຕໍ່ສ້າງເງື່ອນໄຂ ແລະ ສົມທົບກັນຢ່າງແໜ້ນແຟ້ນກັບສະຖານກົງສູນໃຫຍ່ ຫວຽດນາມ ປະຈຳ ສະຫວັນນະເຂດ ເພື່ອເຮັດໃຫ້ສາຍພົວພັນແບບພິເສດລະຫວ່າງ 2 ປະເທດທີ່ພວມພັດທະນາຢ່າງດີງາມ, ກ້າວເຂົ້າສູ່ລວງເລິກ. ທ່ານນາງ ສູນທອນ ຫວັງວ່າ ສະຖານກົງສູນໃຫຍ່ຫວຽດນາມ ປະຈຳ ສະຫວັນນະເຂດ ຈະເພີ່ມທະວີການຊຸກຍູ້ການຮ່ວມມືໃຫ້ນັບມືນັບມີປະສິດທິຜົນ ຕາມຈິດໃຈຂອງການນຳຂັ້ນສູງ 2 ປະເທດ. ທ່ານ ຫງວຽນນາມເກື່ອງ ສະແດງຄວາມປິຕິຊົມຊື່ນ ເມື່ອໄດ້ຮັບໜ້າທີ່ຢູ່ລາວ, ທ່ານຢືນຢັນຈະພະຍາຍາມເຮັດຈົນສຸດຄວາມສາມາດຂອງຕົນເພື່ອປະຕິບັດສຳເລັດໜ້າທີ່ເຊິ່ງພັກ ແລະ ລັດໄດ້ມອບໝາຍໃຫ້, ປະກອບສ່ວນເພີ່ມພູນຄູນສ້າງສາຍພົວພັນສາມັກຄີມິດຕະພາບແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດໃຫ້ນັບມື້ນັບພັດທະນາ.