ຫ້ອງວ່າການລັດຖະບານຈັດກອງປະຊຸມຂ່າວນັດ ສາມັນປະຈຳເດືອນ 1/2012
ທ່ານລັດຖະມົນຕີ ຫວູດຶກດາມ ກ່າວຄຳເຫັນທີ່ການປະຊຸມຂ່າວນັດສາມັນ ເດືອນ 1/2012 ຂອງລັດຖະບານ
(ພາບ:chinhphu.vn)
(vov world) ຕອນບ່າຍວັນທີ 4/2, ຢູ່ ຮ່າໂນ້ຍ, ຫ້ອງວ່າການລັດຖະບານຫວຽດນາມໄດ້ຈັດກອງປະຊຸມຂ່າວນັດສາມັນປະຈຳເດືອນ 1/2012. ທ່ານລັດຖະມົນຕີ, ຫົວໜ້າຫ້ອງວ່າການລັດຖະບານ ຫວູດຶກດາມ ໃຫ້ຮູ້ວ່າ: ໃນເດືອນ 1, ບັນດາກະຊວງ, ຂະແໜງການ, ທ້ອງຖີ່ນຕ່າງໆໄດ້ຕັ້ງໜ້າຜັນຂະຫຍາຍປະຕິບັດບັນດາມະຕິເປັນຢ່າງດີ ກໍ່ຄືການຊີ້ນຳຂອງນາຍົກລັດຖະມົນຕີ ກ່ຽວກັບການຮັບປະກັນລາຄາຕະຫຼາດໃຫ້ເປັນປົກກະຕິ, ຊຸກຍູ້ຕະຫຼາດ, ກະກຽມໃຫ້ປະຊາຊົນຕ້ອນຮັບປີໃໝ່ປະຈຳຊາດເປັນຢ່າງດີ. ເສດຖະກິດ - ສັງຄົມສືບຕໍ່ເປັນປົກກະຕິ ແລະ ມີການຫັນປ່ຽນຢ່າງຕັ້ງໜ້າ. ເຖິງວ່າໃນໂອກາດປີໃໝ່ປະຈຳຊາດ, ບັນດາດັດສະນີລາຄາໃຊ້ສອນ (ຫຼື CPI) ໃນເດືອນ 1/2012 ເພີ່ມຂຶ້ນພຽງແຕ່ 1% ເມືອ່ທຽບໃສ່ເດືອນກ່ອນ (ນີ້ແມ່ນລະດັບເພີ່ມຂຶ້ນຕ່ຳສຸດເມື່ອທຽບກັບໄລຍະດຽວກັນຂອງ 3 ປີ ມໍ່ໆມານີ້). ກ່ຽວກັບໜ້າທີ່ຈຸດສຸມໃນໄລຍະທີ່ຈະມາເຖິງ, ທ່ານ ຫວູດຶກດາມ ຊີ້ແຈງວ່າ:
“ລັດຖະບານຈະສືບຕໍ່ສຸມໃສ່ບໍລິຫານ ແມ່ນການຮັກສາໄພເງິນເຟີ້ຢູ່ໃນລະດັບ 1 ຕົວເລກ ແລະ ການເຕີບໂຕຢູ່ໃນລະດັບເໝາະສົມ ດ້ວຍບັນດາເຄື່ອງມືດ້ານເສດຖະກິດ ຈະຈຳກັດບັນດາເຄື່ອງມືດ້ານບໍລິຫານຢູ່ໃນລະດັບຕ່ຳສຸດ. ເພື່ອເຮັດໄດ້ສິ່ງດັ່ງກ່າວຕ້ອງມີຄວາມມານະພະຍາຍາມລວມຂອງທຸກໆຂະແໜງການ, ຂັ້ນຕ່າງໆ ແລະ ພິເສດແມ່ນບັນດາວິສາຫະກິດ. ໃນຂະນະທີ່ປະສົມກັບຄວາມຫຍູ້ງຍາກ, ພວກເຮົາຕ້ອງມຸ້ງໄປເຖິງບັນດາຂະແໜງການ, ບັນດາຂົງເຂດຕາມກຳນົດທິດທີ່ໄດ້ຮັບບຸລິມະສິດແລ້ວ.”
ທ່ານລັດຖະມົນຕີ ຫວູດຶກດາມ ແລະ ຜູ້ຕາງໜ້າກະຊວງການເງິນ, ກະຊວງຖະແໜງຂ່າວ ແລະ ສື່ສານ, ທະນາຄານແຫ່ງລັດກໍ່ໄດ້ຕອບຄຳຖາມຂອງວົງການນັກຂ່າວຫຼາຍຂໍ້ ກ່ຽວຂ້ອງເຖິງບັນດາບັນຫາສ້າງໂຄງປະກອບການລົງທຶນແຫ່ງລັດຄືນໃໝ່, ການຊຳລະຂອງບັນດາທະນາຄານ, ເລື່ອງໂຮມບັນດາທະນາຄານການຄ້າເຂົ້າກັນ, ຫຼຸດຜ່ອນຄ່າດອກເບ້ຍໃຫ້ກູ້ຢືມ, ບັນດາການທ້າທາຍກ່ຽວກັບດັບສະນີ CPI.