ຫ້ອງວ່າການສະພາແຫ່ງຊາດຜັນຂະຫຍາຍໜ້າທີ່ປີ2014
ທ່ານປະທານສະພາແຫ່ງຊາດ ຫງວຽນຊິງຮູ່ງ ກ່າວຄຳເຫັນທີ່ກອງປະຊຸມ
(ພາບປະກອບ)
(vovworld) – ກ່າວຄຳເຫັນທີ່ກອງປະຊຸມຜັນຂະຫຍາຍໜ້າທີ່ປີ 2014 ຂອງຫ້ອງວ່າການສະພາແຫ່ງຊາດຈັດຂຶ້ນໃນຕອນເຊົ້າວັນທີ 6/1, ທ່ານປະທານສະພາແຫ່ງຊາດ ຫງວຽນຊິງຮູ່ງ ເນັ້ນໜັກວ່າປີ 2014, ຫ້ອງວ່າການສະພາແຫ່ງຊາດຕ້ອງປະຕິບັດບົດບາດໜ້າທີ່ເປັນເສນາທິການສັງລວມເປັນຢ່າງດີ, ເພື່ອຮັບໃຊ້ສະພາແຫ່ງຊາດ, ຄະນະປະຈຳສະພາແຫ່ງຊາດ ແລະ ບັນດາອົງການຂອງສະພາແຫ່ງຊາດມີບັນດາການປ່ຽນໃໝ່ ແລະ ບັນລຸໄດ້ໝາກຜົນຕັ້ງໜ້າໃນການເຄື່ອນໄຫວນິຕິບັນຍັດ, ຕິດຕາມກວດກາ, ຕັດສິນບັນດາບັນຫາສຳຄັນຂອງປະເທດຊາດ ກໍ່ຄືການເຄື່ອນໄຫວພົວພັນຕ່າງປະເທດ. ທ່ານປະທານສະພາແຫ່ງຊາດ ຫງວຽນຊິງຮູ່ງ ສະເໜີໃຫ້ຫ້ອງວ່າການສະພາແຫ່ງຊາດຄວນເອົາໃຈໃສ່ເປັນພິເສດເຖິງວຽກງານສື່ຂ່າວ, ໂຄສະນາເຜິຍແຜ່, ເຊື່ອມຕໍ່ການຮ່ວມມືສື່ຂ່າວລະຫວ່າງສະພາແຫ່ງຊາດກັບສຳນັກຂ່າວສານ, ສື່ມວນຊົນໃນທົ່ວປະເທດຢ່າງແໜ້ນແຟ້ນ ເພື່ອປະຕິບັດໜ້າທີ່ໂຄສະນາເຜິຍແຜ່ການເຄື່ອນໄຫວຕ່າງໆຂອງສະພາແຫ່ງຊາດ, ນຳສະພາແຫ່ງຊາດໃກ້ຊິດກັບຜູ້ມີສິດເລືອກຕັ້ງໃນທົ່ວປະເທດ ແລະ ປະຊາຄົມຊາວ ຫວຽດນາມ ຢູ່ ຕ່າງປະເທດ. ຫ້ອງວ່າການສະພາແຫ່ງຊາດກໍ່ຄວນຍຸ້ແຮງການເຄື່ອນໄຫວພົວພັນຕ່າງປະເທດກ່ວາອີກ ເພື່ອໂຄສະນາພາບພົດຂອງ ສະພາແຫ່ງຊາດ ຫວຽດນາມ ເຖິງເພື່ອນມິດສາກົນ, ປະກອບສ່ວນຍົກສູງຄຸນນະພາບ, ປະສິດທິຜົນວຽກງານການຕ່າງປະເທດສະພາແຫ່ງຊາດ.