ກອງປະຊຸມຄັ້ງທີ 6 ຂອງຄະນະບໍລິຫານງານສູນກາງພັກຊຸດທີ 11
(ພາບ: google.com.vn)
(vovworld) - ກອງປະຊຸມຄັ້ງທີ 6 ຂອງຄະນະບໍລິຫານງານສູນກາງພັກຊຸດທີ 11 ໄດ້ປະສົບຜົນສຳເລັດຢ່າງຈົບງາມ. ພະນັກງານສະມາຊິກພັກ ແລະ ປະຊາຊົນ ໄດ້ຕີລາຄາສູງບັນດາບັນຫາທີ່ກ່ຽວຂ້ອງເຖິງຂົງເຂດເສດຖະກິດ - ສັງຄົມ, ການສຶກສາ - ບຳລຸງສ້າງ, ວິທະຍາສາດ - ເຕັກໂນໂລຢີ ແລະ ກໍ່ສ້າງພັກ.. ເຊິ່ງກອງປະຊຸມໄດ້ປຶກສາຫາລືໃນຄັ້ງນີ້.
ບັນດາເນື້ອໃນໃນບົດປາໄສປິດກອງປະຊຸມຂອງທ່ານເລຂາທິການໃຫຍ່ສູນກາງພັກກອມມູນິດຫວຽດນາມ Nguyen Phu Trong ໄດ້ຮັບການຕ້ອນຮັບຈາກສະມາຊິກພັກຫຼາຍຄົນ ແລະ ເຂົາເຈົ້າໄດ້ສະແດງຄວາມເຊື່ອໝັ້ນວ່າ ເນື້ອໃນຈິດໃຈມະຕິກອງປະຊຸມຄັ້ງທີ 4 ແລະ ຄັ້ງທີ 6 ຂອງຄະນະບໍລິຫານງານສູນກາງພັກຊຸດທີ 11 ຈະຜັນຂະຫຍາຍການປະຕິບັດຢ່າງເຂັ້ມງວດ ແລະ ບັນລຸປະສິດທິຜົນ. ດຣ Nguyen Quoc Dung, ຜູ້ອຳນວຍການສະຖາບັນການເມືອງ - ການປົກຄອງ ເຂດ 4, ໃຫ້ຮູ້ວ່າ:
”ເປັນຄັ້ງທຳອິດ, ບັນດາຂໍ້ຂາດຕົກບົກຜ່ອງຂອງກົມການເມືອງ ແລະ ກຳມະການກົມການເມືອງໄດ້ຮັບການເປີດເຜີຍ. ສິ່ງດັ່ງກ່າວຈະສ້າງກຳລັງແຮງ, ປຸກລະດົມກຳລັງໃຈ, ຄວາມແບ່ງປັນຫຼາຍທີ່ສຸດໃນທົ່ວພັກ, ທົ່ວລະບົບການເມືອງ. ຂ້າພະເຈົ້າຄິດວ່າ, ການສຳຫຼວດກວດກາຢ່າງເຂັ້ມງວດຂອງຂັ້ນເທິງຈະເປັນແບບຢ່າງ ເພື່ອໃຫ້ສະມາຊິກພັກທຸກຄົນໃນທຸກຂັ້ນປະຕິບັດຕາມ”.
ສ່ວນທ່ານ Nguyen Tam Quy ຢູ່ ບິ່ງດິ້ງ ກໍ່ເຫັນດີເຫັນພ້ອມຕໍ່ບັນດາເນື້ອໃນສຳຄັນເຊິ່ງຄະນະບໍລິຫານງານສູນກາງພັກໄດ້ຍົກອອກທີ່ກອງປະຊຸມຜ່ານມາວ່າ:
”ກ່ອນນີ້ການວາງແຜນກຳນົດຍຸດທະສາດໄລຍະຍາວກ່ຽວກັບພະນັກງານແມ່ນບໍ່ທັນຮຽບຮ້ອຍ. ໃນກອງປະຊຸມຄັ້ງນີ້ສູນກາງໄດ້ຕັ້ງບັນຫາວາງແຜນກຳນົດຍຸດທະສາດກ່ຽວກັບຖັນແຖວພະນັກງານ ເພື່ອມີຖັນແຖວພະນັກງານສືບທອດ ແນໃສ່ປະຕິບັດໜ້າທີ່ຂອງພັກໃນໄລຍະໃໝ່. ຂ້າພະເຂົ້າຊົມເຊີຍທີ່ສຸດ
ໃຫ້ຂໍ້ສັງເກດກ່ຽວກັບໝາກຜົນແຫ່ງການສຳຫຼວດກວດກາ, ຕຳນິຕິຊົມຕົນເອງ ແລະ ຕຳນິຕິຊົມເພື່ອນສະຫາຍຂອງກົມການເມືອງ, ຄະນະເລຂາທິການຕາມເນື້ອໃນຈິດໃຈມະຕິກອງປະຊຸມຄັ້ງທີ 4 ຂອງຄະນະບໍລິຫານງານສູນກາງພັກຊຸດທີ 11 ”ບາງບັນຫາອັນຮີບດ່ວນກ່ຽວກັບການກໍ່ສ້າງພັກໃນປະຈຸບັນ”. ທ່ານນາງ Nguyen Thi Ly, ເມືອງ ຫາຍເຈົາ, ນະຄອນ ດ່ານັ້ງ ມີຄວາມເຫັນວ່າ:
”ຜ່ານຂໍ້ສະຫຼຸບຂອງທ່ານເລຂາທິການໃຫຍ່ ໄດ້ເຮັດໃຫ້ທົ່ວພັກ, ທົ່ວປວງຊົນເຫັນໄດ້ຄວາມຮັບຜິດຊອບຂອງກົມການເມືອງ, ສ້າງຄວາມໄວ້ເນື້ອເຊື່ອໃຈຂອງປະຊາຊົນທີ່ມີຕໍ່ກົມການເມືອງຈະເຮັດໃຫ້ການປັບປຸງພັກຮອບດ້ານກວ່າ, ເລິກເຊິ່ງກວ່າ. ຂ້າພະເຈົ້າເຫັນວ່າການສຳຫຼວດກວດກາກົມການເມືອງກໍ່ຊອບທຳ ແລະ ສົມເຫດສົມຜົນ”.
ປະຊາຊົນຫຼາຍຄົນກໍ່ຕີລາຄາສູງເລື່ອງຄະນະບໍລິຫານງານສຸມໃສ່ປຶກສາຫາລື, ປະກອບຄວາມເຫັນ ກ່ຽວກັບການສືບຕໍ່ປ່ຽນໃໝ່ນະໂຍບາຍ, ກົດໝາຍວ່າດ້ວຍທີ່ດິນໃນໄລຍະຍູ້ແຮງການຫັນເປັນປະເທດອຸດສາຫະກຳ ແລະ ທັນສະໄໝ.