(vovworld) - ພາຍຫຼັງ ສປປ ເກົາຫຼີ ຖະແຫຼງຕົກລົງໃຫ້ຮາກຖານນິວເຄຼຍ Yongpien ເຄື່ອນໄຫວຄືນໃໝ່ເມື່ອວັນທີ 2/4, ອາເມລິກາ, ຈີນ, ສ ເກົາຫຼີ ແລະ ອົງການພະລັງງານປະລະມານູສາກົນ (ຫຼື IAEA) ໄດ້ມີບັນດາປະຕິກິລິຍາຕໍ່ການກະທຳນີ້. ຕາມ IAEA ແລ້ວ, “ນີ້ແມ່ນການກະທຳເປັນໜ້າເສຍດາຍ”, ທີ່ລະເມີດບັນດາມະຕິຂອງສະພາຄວາມໝັ້ນຄົງສະຫະປະຊາຊາດ. ສ່ວນອາເມລິກາ ຖືວ່າ: ການກະທຳນີ້ຂອງ ສປປ ເກົາຫຼີ ໄດ້ລະເມີດບັນດາພັນທະສາກົນ ກໍ່ຄືບັນດາຄຳໝັ້ນສັນຍາຂອງ ພຽງຢາງ. ທ່ານລັດຖະມົນຕີການຕ່າງປະເທດ ອາເມລິກາ John Kerry ໃຫ້ຮູ້ວ່າ: “ອາເມລິກາ ໄດ້ກະກຽມຢ່າງຄົບຖ້ວນ ແລະ ຈະເຮັດທຸກສິ່ງທຸກຢ່າງທີ່ຈຳເປັນເພື່ອປົກປັກຮັກສາຕົນເອງ ກໍ່ຄືສຳພັນທະມິດ”. ແຕ່ເຖິງຢ່າງໃດກໍ່ຕາມ, ທ່ານໃຫ້ຮູ້ຕື່ມອີກວ່າ: ອາເມລິກາ ກຽມພ້ອມເຊື່ອມຕໍ່ການເຈລະຈາກັບ ສປປ ເກົາຫຼີ ຄືນໃໝ່ ຖ້າຫາກພຽງຢາງ “ປະຕິບັດການປອດນິວເຄຼຍຢ່າງເດັດຂາດ”.
ທີ່ ບັກກິ່ງ, ທ່ານຮອງລັດຖະມົນຕີການຕ່າງປະເທດ ຈີນ ຈາງອີສວາຍ ຊີ້ແຈ້ງວ່າ: “ຈີນ ຄັດຄ້ານບໍ່ວ່າຝ່າຍໃດທີ່ໄດ້ຍົກອອກບັນດາຖະແຫຼງການທີ່ມີລັກສະນະເກາະຜິດ ຫຼື ມີການກະທຳທຳລາຍສັນຕິພາບ ແລະ ສະຖຽນລະພາບໃນແຫຼມ ເກົາຫຼີ ແລະ ໃນພາກພື້ນ”. ທ່ານກໍ່ຮຽກຮ້ອງໃຫ້ທຸກໆຝ່ານລະງັບໃຈ ແລະ ອຸ່ນອ່ຽງໃຈເພື່ອຫຼີກລ້ຽງທຸກການກະທຳມີໄພເຮັດໃຫ້ສະພາບການຊົ່ວຮ້າຍຂຶ້ນຕື່ມ.
ໃນສະພາບການຫຼ້າສຸດ, ວັນທີ 03/04, ສປປ ເກົາຫຼີ ບໍ່ອະນຸຍາດໃຫ້ພົນລະເມືອງ ສ ເກົາຫຼີ ເຂົ້າເຂດອຸດສະຫະກຳ Kaesong, ພາຍຫຼັງນາບຂູ່ຈະປິດປະຕູເຂດອຸດສາຫະກຳ ເຊິ່ງແມ່ນສັນຍາລັກໜຶ່ງດຽວທີ່ຍັງເຫຼືອຂອງການຮ່ວມມືລະຫວ່າງ 2 ພາກ ເກົາຫຼີ