(vovworld) – ໃນ Blog ສ່ວນຕົວຂອງສາດສະດາຈານ ຫຼີລິງຄ໋ວາ, ແບ່ງປັນວ່າ: “ຂ້າພະເຈົ້າເຫັນວ່າ: ນັບມື້ນັບຮັບຮູ້ກ່ຽວກັບຄວາມທີ່ຜິດພາດຂອງຜູ້ນຳ ຈີນ. ການກະທຳຄືແນວນັ້ນຈະກຳອຳນາດ ຈີນ ເຂົ້າທິດກ້າວເດີນທີ່ຜິດພາດ, ສຸດທ້າຍຈະຖືກປະຊາຄົມໂລກຕຳນິຕິຕຽນ. ເຂົາເຈົ້າມີແຕ່ເຫັນຜົນປະໂຫຍດແກ່ສະເພາະໜ້າ ເຊິ່ງບໍ່ຄິດເຖິງຜົນປະໂຫຍດຄາວນານ. ສັນຕິພາບໃນພາກພື້ນສຳຄັນທີ່ສຸດ, ຖ້າຫາກປະສົບກັບຄວາມຫຍຸ້ງຍາກ, ບັນດາປະເທດພ້ອມກັນຮ່ວມມື, ຊ່ວຍເຫຼືອເຊິ່ງກັນແລະ ກັນ, ພ້ອມກັນຮັບໄຊຊະນະ. ຖ້າຫາກບໍ່ມີສັນຕິພາບ, ສະຖຽນລະພາບ, ຜົນປະໂຫຍດຍິ່ງໃຫຍ່ຄືແນວໃດກໍ່ຕາມ ກໍ່ຈະບໍ່ເທົ່າກັບຄວາມເສຍຫາຍ. ເຂົາເຈົ້າພຽງແຕ່ຄິດເຖິງການປົກປັກຮັກສາຜົນປະໂຫຍດຂອງປະເທດຊາດ, ແຕ່ຂ້າພະເຈົ້າຖືວ່ານັ້ນແມ່ນບໍ່ມອງກວ້າງເຫັນໄກ, ປະຫວັດສາດຈະພິສູດໃຫ້ເຫັນສິ່ງດັ່ງກ່າວ. ຂ້າພະເຈົ້າຫວັງວ່າ: ລັດຖະບານ ຈີນ ຈະຕື່ນສະຕິໂດຍໄວ.”
ສ່ວນຜູ້ມີຊື່ວ່າ Jiemang ຕັ້ງຄຳຖາມວ່າ: ເປັນຫຍັງພວກເຮົາຢາກກໍ່ຄວາມຂັດແຍ້ງໃນພາບດຽວກັບ ຍີ່ປຸ່ນ, ຟິລິບປິນ, ຫວຽດນາມ? ຈາກນັ້ນຈະແມ່ນຫົວຂວັນຂອງ ອາເມລິກາ ແລະ ຄວາມບໍ່ພໍໃຈຂອງບັນດາປະເທດອາຊຽນ. ທຸກຄົນລອງຊອກຮູ້ເບິ່ງວ່າ ປະຊາຄົມໂລກສັງເກດ “ເສັ້ນລິ້ນງົວ 9 ຕອນ” ຄືແນວໃດ. ໂດຍແມ່ນຊາວ ຈີນ ຄົນໜຶ່ງຂ້າພະເຈົ້າກໍ່ຮູ້ສຶກອັບອາຍ.
ກໍ່ໃນເວທີປາໄສນີ້, ມີບົດຂຽນຂອງເພື່ອນ Lixiaoxing ທີ່ໄດ້ປະຕິເສດທັດສະນະຂອງ ດຣ ຫູປົວ, ສັງກັດສູນຄົ້ນຄ້ວາຍຸດທະສາດ ຈີນ, ມະຫາວິທະຍາໄລ ບັງກິ່ງ ເມື່ອທ່ານຜູ້ນີ້ມີບົດຂຽນ “ສົນທິສັນຍາ ສປຊ ກ່ຽວກັບກົດໝາຍທະເລປີ 1982 ບໍ່ອາດປະຕິເສດແຜນນະໂຍບາຍເສັ້ນທາງ 9 ຕອນຂອງ ຈີນ”. ເປັນໜ້າສົນໃຈ, ບົດຂຽນຂອງເພື່ອນ Lixiaoxing ໄດ້ຮັບການຊົມເຊີຍ ແລະ ສະໜັບສະໜູນຈາກປະຊາຄົມ.