ຫາງສຽງຍີ່ປຸ່ນສືບຕໍ່ຕີລາຄາສູງການຢ້ຽມຢາມຍີ່ປຸ່ນຂອງທ່ານເລຂາທິການໃຫຍ່ຫງວຽນຟູ໋ຈ້ອງ
(ຫາງສຽງຍີ່ປຸ່ນສືບຕໍ່ຕີລາຄາສູງການຢ້ຽມຢາມຍີ່ປຸ່ນ
ຂອງທ່ານເລຂາທິການໃຫຍ່ຫງວຽນຟູ໋ຈ້ອງ)
(vovworld) - ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ໋ຈ້ອງ ສິ້ນສຸດການຢ້ຽມຢາມຍື່ປຸ່ນ ຢ່າງເປັນທາງການໃນລະຫວ່າງວັນທີ 15-18/9 ຢ່າງຈົບງາມ. ໃນຊຸມມື້ນີ້, ຫາງສຽງຍີ່ປຸ່ນ ສືບຕໍ່ສະແດງຄວາມຫວັງຕໍ່ການພັດທະນາໃໝ່ ໃນການພົວພັນລະຫວ່າງສອງປະເທດ. ມີນັກທຸລະກິດຫຼາຍຄົນ ສະແດງຄວາມພາກພູມໃຈຕໍ່ແງ່ຫວັງຮ່ວມມືໃໝ່ລະຫວ່າງວິສາຫະກິດສອງປະເທດ. ທ່ານ Masaharu Mochizuki, ຜູ້ອຳນວຍການບໍລິສັດບໍລິການການແພດ Kanagawa, ເຊິ່ງແມ່ນບໍລິສັດໄດ້ຮັບການສ້າງຕັ້ງຢູ່ຫວຽດນາມ ຖືວ່າ, ນັບແຕ່ນີ້ເປັນຕົ້ນໄປ ບໍລິສັດຂອງທ່ານຈະມີຄວາມສະດວກກວ່າ. ສ່ວນ Koiruwa Yuji, ຜູ້ວ່າການແຂວງ Kanagawa ສະແດງຄວາມພາກພູມໃຈເມື່ອໄດ້ຕ້ອນຮັບທ່ານເລຂາທິການໃຫຍ່ຫງວຽນຟູ໋ຈ້ອງ ມາຢ້ຽມຢາມບ້ານເກີດຂອງຕົນ.
ສື່ສານຍື່ປຸ່ນ ໃນຊຸມມື້ນີ້ ສືບຕໍ່ມີບົດຂຽນກ່ຽວກັບການຢ້ຽມຢາມຍີ່ປຸ່ນ ຂອງ ທ່ານເລຂາທິການໃຫຍ່ຫງວຽນຟູ໋ຈ້ອງ. ບັນດາໜັງສືພິມສະບັບອອກວັນທີ 16, 17/9 ລ້ວນແຕ່ໃຫ້ຂ່າວກ່ຽວກັບການຢ້ຽມຢາມຄັ້ງນີ້, ໃນນັ້ນຊີ້ໃຫ້ເຫັນຄວາມສາມັກຄີລະຫວ່າງຫວຽດນາມ - ຍີ່ປຸ່ນ ໃນທຸກຂົງເຂດ. ດ້ວຍຫົວຂໍ້ວ່າ: “ຖະແຫຼງການຮ່ວມຫວຽດນາມ - ຍີ່ປຸ່ນ: ການຮ່ວມມືຢ່າງແໜ້ນແຟ້ນໃນຂົງເຂດເສດຖະກິດ“, ໜັງສືພິມ Sankei ລາຍວັນ ໄດ້ເນັ້ນໜັກວ່າ, ໃນການເຈລະຈາລະຫວ່າງ ທ່ານເລຂາທິການໃຫຍ່ ຫງວຽນຟູ໋ຈ້ອງ ແລະ ທ່ານນາຍົກລັດຖະມົນຕີຍີ່ປຸ່ນ Shinzo Abe, ການນຳສອງທ່ານໄດ້ໃຫ້ຄຳໝັ້ນສັນຍາຊຸກຍູ້ການຮ່ວມມືໃນບັນດາຂົງເຂດກະສິກຳ ແລະ ພະລັງງານ, ທັງຕັ້ງໜ້າຊຸກຍູ້ວິວັດການເຈລະຈາສັນຍາຄູ່ຮ່ວມມືເສດຖະກິດຂ້າມປາຊິຟິກ (TPP) ໃຫ້ສຳເລັດໂດຍໄວ. ນີ້ແມ່ນໂອກາດເພື່ອເປີດກວ້າງການຮ່ວມມືດ້ານເສດຖະກິດລະຫວ່າງສອງປະເທດ.