ຫາງສຽງຕີລາຄາສູງວາລະຊັກຖາມຂອງບັນດາສະມາຊິກລັດຖະບານທີ່ກອງປະຊຸມສະໄໝສາມັນເທື່ອທີ7
ພາບປະກອບ
(vovworld) – ວາລະຊັກຖາມທີ່ແກ່ຍາວເປັນ 2,5 ມື້ຂອງສະພາແຫ່ງຊາດ ສຳລັບສະມາຊິກ ລັດຖບານ 5 ທ່ານຖືດອັດລົງໃນຕອນບ່າຍວັນທີ 12/6, ໄດ້ຮັບການຕີລາຄາສູງຈາກຫາງສຽງ.
ຕິດຕາມເນື້ອໃນການຕອບຄຳຊັກຖາມຂອງທ່ານຮອງນາຍົກລັດຖະມົນຕີ ຫງວຽນຊວນຟຸກ, ຜູ້ມີສິດເລືອກຕັ້ງ ເຈີ່ນແມ້ງລອງ (ແຂວງ ກອນຕຸມ) ຍອມຮັບວ່າ: ທ່ານຮອງນາຍົກລັດຖະມົນຕີໄດ້ຕອບຊັກຖາມຢ່າງຈະແຈ້ງ, ຮອບດ້ານ, ຊື່ຕົງ ແລະ ມີກຳລັງສາມາດເກ້ຍກອມສູງກ່ຽວກັບບັນດາເນື້ອໃນເຊິ່ງ ສສຊ ກໍ່ຄືຜູ້ມີສິດເລືອກຕັ້ງທົ່ວປະເທດມີຄວາມສົນໃຈ, ພິເສດແມ່ນບັນດາມາດຕະການເພື່ອປົກປັກຮັກສາອະທິປະໄຕຜືນແຜ່ນດິນອັນຄົບຖ້ວນຂອງປະເທດຊາດ. ທ່ານ ເຈີ່ນແມ້ງລອງ ໃຫ້ຮູ້ວ່າ:
“ຂ້າພະເຈົ້າເຫັນວ່າ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ອະພິປາຍຢ່າງຮອບດ້ານບາງບັນຫາເຊິ່ງສະພາແຫ່ງຊາດ ແລະ ຜູ້ມີສິດເລືອກຕັ້ງສົນໃຈ, ຈາກດ້ານເສດຖະກິດ, ການເມືອງ, ວັດທະນະທຳ ສັງຄົມຕະຫຼອດຮອດການປ້ອງກັນຊາດ ປ້ອງກັນຄວາມສະຫງົບ. ຂ້າພະເຈົ້າເຫັນດີຕໍ່ມາດຕະການແກ້ໄຂຂອງລັດຖະບານ ທີ່ມີຕໍ່ເລື່ອງຈີນຕັ້ງຮ້ານເຈາະນຳ້ມັນໄຮຢາງ 981 ໃນເຂດໄຫຼ່ທະວີບ ແລະ ເຂດເສດຖະກິດຈຳເພາະຂອງຫວຽດນາມ. ຮຽກຮ້ອງຫາງສຽງໂລກສະໜັບສະໜູນຫວຽດນາມ. ຂ້າພະເຈົ້າຕີລາຄາສູງຄວາມມານະພະຍາຍາມແກ້ໄຂຢ່າງທັນການ ແລະ ມີປະສິດທິຜົນຂອງລັດຖະບານ”
ວາລະຊັກຖາມສະມາຊິລັດຖະບານ 5 ທ່ານ ກໍໄດ້ຮັບການຕີລາຄາຢ່າງຕັ້ງໜ້າຂອງ ສສຊ. ທ່ານ ເລຍືຕ໋ຽນ, ສສຊ ແຂວງກວາງຈີ້, ແບ່ງປັນວ່າ:
“ຂ້າພະເຈົ້າຖືວ່ານີ້ແມ່ນເນື້ອໃນຈິດໃຈຂອງການຊັກຖາມ. ການຊັກຖາມບໍ່ແມ່ນຊອກຫາຂໍ້ມູນຂ່າວ ຫຼືສະໜອງຂໍ້ມູນຂ່າວ, ຫາກແມ່ນກຳນົດຄວາມຮັບຜິດຊອບໜ້າທີ່ຂອງຜູ້ທີ່ດຳລົງຕຳແໜ່ງໂດຍສະພາແຫ່ງຊາດເລືອກຕັ້ງ ແລະ ໃຫ້ສັດຕະຍາບັນ“.