ທ່ານນາງ Anstett (ຊ້າຍ) ຕອບສຳພາດນັກຂ່າວ vov
(ພາບ:vov )
(vovworld)- ເລື່ອງຫວຽດນາມ ໄດ້ຮັບເລືອກຕັ້ງເຂົ້າສະພາສິດທິມະນຸດ ສປຊ ໄດ້ເປີດໜ້າໃໝ່ກ່ຽວກັບດ້ານອິດທິພົນຊື່ສຽງ ແລະ ຄວາມຮັບຜິດຊອບສາກົນຂອງຫວຽດນາມ. ທ່ານນາງ Martine Anstett ຮອງຫົວໜ້າກົມສິດທິມະນຸດ, ປະຊາທິປະໄຕ ແລະ ລັດແຫ່ງອຳນາດນິຕິບັນຍັດ ສັງກັດອົງການໃຊ້ພາສາຝະລັງສາກົນ ໄດ້ຢືນຢັນຄືດັ່ງກ່າວ ເມື່ອຕອບສຳພາດນັກຂ່າວວິທະຍຸກະຈາຍສຽງ ຫວຽດນາມ ປະຈຳຝະລັງ. ທ່ານນາງ Martine Anstett ຖືວ່າ:
“ເລື່ອງຫວຽດນາມ ໄດ້ຮັບເລືອກຕັ້ງເຂົ້າສະພາສິດທິມະນຸດ ສປຊ ແມ່ນສຳຄັນທີ່ສຸດ. ນີ້ແມ່ນອົງການລະຫວ່າງລັດຖະບານສູງສຸດຂອງໂລກໃນຂົງເຂດສິດທິມະນຸດ. ຫວຽດນາມ ແມ່ນປະເທດມີການພັດທະນາຢ່າງຂະຫຍັນຂັນເຄື່ອນໃນຫຼາຍດ້ານຄື: ເສດຖະກິດ, ການສຶກສາ, ບຳລຸງສ້າງ ແລະ ບັນລຸໄດ້ຫຼາຍຜົນງານອັນຕັ້ງໜ້າໃຫ້ແກ່ ປຊຊ. ນອກຈາກນັ້ນ, ຫວຽດນາມ ແມ່ນຜູ້ຕາງໜ້າຂອງອາຊຽນ ກໍ່ຄືແມ່ນສະມາຊິກຂອງອົງການໃຊ້ພາສາຝະລັງສາກົນ ເມື່ອອອກສະໝັກຮັບເລືອກຕັ້ງກໍ່ມີທ່າໄດ້ປຽບຈຳນວນໜຶ່ງໃນການເລືອກຕັ້ງ. ອົງການໃຊ້ພາສາຝະລັງສາກົນ ສະໜັບສະໜູນເລື່ອງຫວຽດນາມ ອອກສະໝັກຮັບເລືອກຕັ້ງເຂົ້າສະພາສິດທິມະນຸດ ສປຊ ແລະ ຍາມໃດກໍ່ຮ່ວມເດີນທາງກັບຫວຽດນາມ ໃນວິວັດການຜັນຂະຫຍາຍບັນດາຄຳໝັ້ນສັນຍາໃນອາຍຸການເປັນສະມາຊິກຂອງສະພາ“.