ກ່າວຄຳເຫັນກັບວົງການນັກຂ່າວ, ທ່ານປະທານາທິບໍດີລັດເຊຍ Vladimir Putin ໄດ້ຕີລາຄາວ່າ ນີ້ແມ່ນຂ່າວຄາວຢ່າງຕັ້ງໜ້າ. ໃນຂະນະນັ້ນ, ກະຊວງການຕ່າງປະເທດລັດເຊຍ ໃຫ້ຮູ້ວ່າ ມົດສະກູ ພ້ອມແລ້ວທີ່ຈະຊຸກຍູ້ການຮ່ວມມືລະຫວ່າງສປປ.ເກົາຫຼີ ແລະ ສ.ເກົາຫຼີ ໃນບັນດາຂົງເຂດທາງລົດໄຟ, ນ້ຳມັນອາຍແກັດ ແລະ ພະລັງງານໄຟຟ້າ.

      ທ່ານເລຂາທິການໃຫຍ່ອົງການ NATO Jens Stoltenberg ໃຫ້ຂໍ້ສັງເກດວ່າ ນີ້ແມ່ນບາດກ້າວທຳອິດທີ່ໜ້າສົ່ງເສີມ, ແຕ່ຍັງມີວຽກງານຫຼາຍຢ່າງຕ້ອງເຮັດໃນອະນາຄົດ.

      ສ່ວນທ່ານລັດຖະມົນຕີການຕ່າງປະເທດອັງກິດ Boris Johnson ກໍ່ໄດ້ຊົມເຊີຍ ເລື່ອງສ.ເກົາຫຼີ ແລະ ສປປ.ເກົາຫຼີ ເຫັນດີມຸ່ງໄປເຖິງເລື່ອງປອດນິວເຄຼຍໃນແຫຼມເກົາຫຼີ ຢ່າງໝົດກ້ຽງ, ອາດສາມາດພິສຸດໃຫ້ເຫັນ ແລະ ບ່ໍສາມາດຕ່າວປີ້ນ, ກໍຄືການປັງປຸງການພົວພັນ 2 ຝ່າຍ ແລະ ຫຼຸດຜ່ອນຄວາມເຄັ່ງຕຶງ.

      ແລະກໍໃນວັນທີ 27 ເມສາ, ນາຍົກລັດຖະມົນຕີແບນຊິກ, ລັດຖະມົນຕີການຕ່າງປະເທດການາດາ, ລັດຖະບານອິນໂດເນເຊຍ, ເຢຍລະມັນ ກໍ່ໄດ້ຊົມເຊີຍ ກອງປະຊຸມຂັ້ນສຸດຍອດລະຫວ່າງສ.ເກົາຫຼີ ແລະ ສປປ.ເກົາຫຼີ ທີ່ມີລັກສະນະປະຫວັດສາດ, ຖືນີ້ແມ່ນບາດກ້າວສຳຄັນ, ນຳມາເຊິ່ງສັນຕິພາບ ແລະ ສະຖຽນລະພາບໃນແຫຼມເກົາຫຼີ.