ຫາງສຽງສາກົນສະໜັບສະໜູນຄຳຕັດສິນຂອງສານກຳມະການສາກົນກ່ຽວກັບກໍລະນີຮ້ອງຟ້ອງບັນຫາທະເລຕາເວັນອອກ
(ພາບປະກອບ)
(vovworld) – ຄຳຕັດສິນຂອງສານກຳມະການສາກົນ ກ່ຽວຂ້ອງເຖິງກໍລະນີຮ້ອງຟ້ອງບັນຫາທະເລຕາເວັນອອກຂອງຟີລິບປີນ ພວມໄດ້ຮັບການສະໜັບສະໜູນຈາກປະຊາຊົນໂລກ ແລະ ຫາງສຽງປະເທດຝລັ່ງ. ພາຍຫຼັງຄົ້ນຄວ້າບົດອະພິປາຍຂອງຟິລິບປີນ, ແຕ່ວັນທີ 07 – 13/07, ໃນຂອບເຂດກໍລະນີນີ້ຮ້ອງຟ້ອງຈີນ ກ່ຽວກັບບັນຫາອະທິປະໄຕຢູ່ທະເລຕາເວັນອອກ, ວັນທີ 29/10, ສານກຳມະການສາກົນ (PCA) ໄດ້ອອກແຈ້ງການໂດຍຊີ້ແຈ້ງວ່າ, ທັງຟິລິບປີນ ແລະ ຈີນ ລ້ວນແຕ່ແມ່ນບັນດາປະເທດເຂົ້າຮ່ວມສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) ແລະ ຍ້ອນເຫດນັ້ນ, ແມ່ນຕ້ອງມີຄວາມຮັບຜິດຊອບແກ້ໄຂການຂັດແຍ້ງຕາມຂ້ໍກຳນົດຂອງ UNCLOS. ເລື່ອງຈີນ ຕົກລົງບໍ່ເຂົ້າຮ່ວມການຮ້ອງຟ້ອງ ຈະບໍ່ເຮັດໃຫ້ສິດຕັດສິນຂອງສານກຳມະການສາກົນປ່ຽນແປງໄດ້ ແລະ ເລື່ອງຟິລິບປີນ ດຳເນີນການຮ້ອງຟ້ອງພຽງລຳພັງຝ່າຍດຽວກໍບໍ່ລະເມີດວິວັດທະນາການແກ້ໄຂການຂັດແຍ້ງຕາມ UNCLOS.
ວັນທີ 30/10, ໜັງສືພິມສະບັບຕ່າງໆຄື: Le Momde, RFI, AFP ຂອງຝລັ່ງ ພ້ອມກັນໃຫ້ຂ່າວກ່ຽວກັບເຫດການດັ່ງກ່າວ ແລະ ຢືນຢັນວ່າ, ເລື່ອງຈີນ ບໍ່ເຂົ້າຮ່ວມການຮ້ອງຟ້ອງ ຈະບໍ່ສົ່ງຜົນສະທ້ອນເຖິງການຕັດສິນຂອງສານ. ຕາມສຳນັກຂ່າວສານອັງກິດ Reuters, ທີ່ຕັ້ງບົດບາດທາງດ້ານການທູດຂອງປັກກິງ ຈະຖືກສູນເສຍຢ່າງໃຫຍ່ຫຼວງ ຖ້າຫາກສານອອກຄຳຕັດສິນ ວ່າຈີນລະເມີດໜຶ່ງໃນບັນດາຂໍ້ກຳນົດຂອງສະຫະປະຊາຊາດ.