(ພາບ:thanhnien.com.vn )
(vovworld)-ໂດຍໄດ້ຮັບຂ່າວທ່ານພົນເອກຫວໍ້ງວຽນຢາບ ເຖິງແກ່ມໍລະນະກຳ, ທ່ານປະທານພັກ ປຊຊ ກຳປູເຈຍກຳອຳນາດ Samdec Chia Xim, ປະທານສະພາສູງກຳປູເຈຍ ໄດ້ຝາກໂທລະເລກແບ່ງປັນຄວາມເສົ້າສະຫຼົດໃຈມາຍັງທ່ານເລຂາທິການໃຫ່ຍຫງວຽນຟູຈ້ອງ ແລະ ຄະນະບໍລິຫານງານສູນກາງພັກກອມມູນິດຫວຽດນາມ. ໂທລະເລກໄດ້ຂຽນວ່າ: ທ່ານພົນເອກຫວໍ້ງວຽນຢາບ ໄດ້ປະກອບສ່ວນຢ່າງໃຫ່ຍຫຼວງໃນການຕໍ່ສູ້ຕ້ານພວກຈັກກະພັດ ແລະ ພວກລ່າເມືອງຂຶ້ນ, ຍາດເອົາເອກະລາດແຫ່ງຊາດ, ສ້າງສາປະເທດຫວຽດນາມ ຕາມເສັ້ນທາງສັງຄົມນິຍົມ. ທ່ານພົນເອກຫວໍ້ງວຽນຢາບ ເຖິງແກ່ມໍລະນະກຳ ແມ່ນຄວາມສູນເສຍອັນໃຫ່ຍຫຼວງສຳລັບພັກກອມມູນິດ ແລະ ປຊຊ ຫວຽດນາມ.
ວັນທີ 6/10, ກະຊວງການຕ່າງປະເທດ Urugoay ໄດ້ປະກາດໂທລະເລກແບ່ງປັນຄວາມເສົ້າສະຫຼົດໃຈ ໂດຍປະທານາທິບໍດີ Jose Mujica ຝາກມາຍັງປະທານປະເທດເຈືອງເຕິນຊາງ ໃນນັ້ນໄດ້ຢືນຢັນວ່າ: ທ່ານພົນເອກຫວໍ້ງວຽນຢາບ ແມ່ນນັກຍຸດທະສາດທີ່ມີຄວາມປີຊາສາມາດ ແລະ ສ້າງຄວາມໄວ້ເນື້ອເຊື່ອໃຈຕໍ່ມະນຸດ ຄືດັ່ງຂໍ້ກຸນແຈແຫ່ງໄຊຊະນະ.
ໜັງສືພິມ Suddeutsche ປະເທດເຢຍລະມັນ ໄດ້ລົງພິມບົດຂຽນດ້ວຍຫົວຂໍ້ “ນັກປະຕິວັດຜ່ານສົງຄາມຫຼາຍຄັ້ງ“ ຊື່ງໄດ້ເວົ້າກ່ຽວກັບພາລະກິດ, ຊີວິດ ແລະ ຄຸນງາມຄວາມດີຂອງທ່ານພົນເອກຫວໍ້ງວຽນຢາບ. ສ່ວນໜັງສືພິມ Asahi ຂອງຍີ່ປຸ່ນ ສະບັບອອກວັນທີ 7/10 ໄດ້ລົງພິມບົດຂຽນຢືນຢັນວ່າ ທ່ານພົນເອກຫວໍ້ງວຽນຢາບ ແມ່ນ ນັກວິລະຊົນເອກະລາດ ແລະ ທ່ານໄດ້ເຖິງແກ່ມໍລະນະກຳ ແມ່ນຄວາມສູນເສຍອັນໃຫ່ຍຫຼວງສຳລັບ ພັກ, ລັດ ແລະ ກອງທັບ ປຊຊ ຫວຽດນາມ.
ການນຳຫຼາຍປະເທດ ແລະ ສື່ມວນຊົນໂລກສືບຕໍ່ສະແດງຄວາມໂສກເສົ້າເສຍໃຈ ແລະ ເຄົາລົບນັບຖືທ່ານພົນເອກຫວໍ້ງວຽນຢາບ. ທ່ານເລຂາທີໜຶ່ງຄະນະບໍລິຫານງານສູນກາງພັກກອມມູນິດ, ປະທານສະພາແຫ່ງລັດ ແລະ ສະພາລັດຖະມົນຕີກູບາ, ພົນເອກ Raul Castro ໄດ້ຝາກໂທລະເລກແບ່ງປັນຄວາມເສົ້າສະຫຼົດໃຈມາຍັງການນຳພັກ, ລັດ ແລະ ລັດຖະບານຫວຽດນາມ. ໂທລະເລກຂອງທ່ານປະທານ Raul Castro ຢືນຢັນວ່າ: ຍາມໃດ, ປຊຊ ກູບາ ກໍ່ຈົດຈຳຮູບພາບຂອງ ທ່ານພົນເອກຫວໍ້ງວຽນຢາບ ດ້ວຍຄວາມເຄົາລົບນັບຖືຢ່າງເລິກເຊິ່ງ.
ກະຊວງການຕ່າງປະເທດເວເນຊູເອລາ ໄດ້ອອກແຈ້ງການກ່ຽວກັບເລື່ອງທ່ານພົນເອກຫວໍ້ງວຽນຢາບ ເຖິງແກ່ມໍລະນະກຳ ແລະ ຢືນຢັນວ່າ: ນີ້ແມ່ນຄວາມສູນເສຍສຳລັບ ປຊຊ ຢູ່ປະເທດອາເມລິກາໃຕ້ນີ້. ແຈ້ງການໃຫ້ຮູ້ວ່າ: ປະທານາທິບໍດີເວເນຊູເອລາ Nicolas Maduro ໄດ້ແບ່ງປັນຄວາມເສົ້າສະຫຼົດໃຈອັນເລິກເຊິ່ງຕໍ່ຄວາມເສຍຫາຍຂອງ ປຊຊ ຫວຽດນາມ.
ໂດຍແມ່ນຫົວໜ້າຄະນະຜູ້ຊ່ຽວຊານທະຫານໂຊວຽດເກົ່າທີ່ມີໜ້າຢູ່ຫວຽດນາມ ໃນຊຸມປີ 1972-1975, ທ່ານພົນໂທ Khiupenhen Anatoli Ivanovich ຢືນຢັນວ່າ: ທ່ານພົນເອກຫວໍ້ງວຽນຢາບ ສົມເປັນຄວາມເອກອ້າງທະນົງໃຈຂອງຊາດຫວຽດນາມ:
“ທ່ານພົນເອກຫວໍ້ງວຽນຢາບ ແມ່ນໜຶ່ງໃນບັນດາການນຳຜູ້ປີຊາສາມາດໃນໂລກ. ນັບທັງຜູ້ທີ່ເຄີຍເປັນສັດຕູຂອງທ່ານກໍ່ຕີລາຄາສູງ ແລະ ເອີ້ນທ່ານວ່າແມ່ນນັກການທະຫານ, ນັກຍຸດທະສາດ, ຍຸດທະວິທີທີ່ມີຄວາມເກັ່ງກ້າສາມາດ. ທ່ານແມ່ນແຂນຂວາຂອງທ່ານປະທານໂຮ່ຈິມິນ. ທ່ານກໍ່ແມ່ນນັກວັດທະນະທຳມະນຸດ, ມີຄວາມເອົາໃຈໃສ່ຢ່າງເລິກເຊິ່ງເຖິງທຸກຄົນ. ຂ້າພະເຈົ້າມີຄວາມເອກອ້າງທະນົງໃຈທີ່ໄດ້ຢືນໃນຖັນແຖວຜູ້ຊ່ຽວຊານໂຊວຽກເກົ່າຊ່ວຍເຫຼືອຫວຽດນາມ ໃນໄລຍະທີ່ ທ່ານພົນເອກຫວໍ້ງວຽນຢາບ ນຳພາກອງທັບ ປຊຊ ຫວຽດນາມ.“
ໜັງສືພິມ Clarin ຊື່ງແມ່ນໜັງສືພິມລາຍວັນອັນດັບໜຶ່ງຂອງອັງຊັງຕິນ ສະບັບອອກວັນທີ 5/10 ໄດ້ຍົກອອກວິວັດການເຄືອນໄຫວປະຕິວັດຂອງທ່ານພົນເອກຫວໍ້ງວຽນຢາບ, ສ່ວນໜັງສືພິມ Mercurio -ໜຶ່ງໃນບັນດາໜັງສືພິມລາຍວັນໃຫ່ຍຂອງຈີເລ ໄດ້ຢືນຢັນວ່າ: ທ່ານພົນເອກຫວໍ້ງວຽນຢາບ ແມ່ນການນຳໄດ້ຮັບຄວາມຮັກແພງກ່ວາໝູ່ຢູ່ຫວຽດນາມ. ວັນທີ 4/10, ສຳນັກຂ່າວສານ NOTIMEX ຂອງ ເມຊິກໂກ ໄດ້ລົງພິມຮູບພາບ ແລະ ຂ່າວກ່ຽວກັບເລື່ອງທ່ານພົນເອກຫວໍ້ງວຽນຢາບ ເຖິງແກ່ມໍລະນະກຳ ອາຍຸຍື່ນ 103 ປີ. NOTIMEX ເນັ້ນໜັກວ່າ: ທ່ານພົນເອກຫວໍ້ງວຽນຢາບ ແມ່ນໜຶ່ງໃນບັນດາແບບຢ່າງໃຫ່ຍກ່ວາໝູ່ໃນສັດຕະວັດທີ 20./.