(vovworld) - ວັນທີ 05/12, ຫ້ອງວ່າການປະທານາທິບໍດີຝລັ່ງ Francois Hollande ໃຫ້ຮູ້ວ່າ: ທ່ານ Hollande ແລະ ທ່ານນາຍົກລັດຖະມົນຕີອັງກິດ David Cameron ໄດ້ມີການໂອ້ລົມທາງໂທລະຊັບ ແລະ ເຫັນດີນຳກັນເພີ່ມທະວີການຮ່ວມມືໃນບັ້ນຮົບຕ້ານກຳລັງລັດອິດສະລາມ (IS) ອ້າງຊື່ເອງ. ການນຳ 2 ທ່ານໄດ້ເຫັນດີເພີ່ມທະວີການຮ່ວມມືໃນການຕໍ່ສູ້ ຕ້ານ IS ກວ່າອີກ, ນັບທັງໃນບັ້ນຮົບຢູ່ຊີຣີ ກໍຄືແລກປ່ຽນຂໍ້ມູນຂ່າວສານ.
ແລະກໍໃນວັນດຽວກັນ, ທ່ານລັດຖະມົນຕີວ່າການກະຊວງປ້ອງກັນປະເທດອັງກິດ Michael Fallon ໄດ້ມີການຢ້ຽມຢາມເຖິງຖານທີ່ໝັ້ນຂອງກອງທັບອາກາດລາຊະອານາຈັກຂອງປະເທດນີ້ຢູ່ເກາະ Cyprus. ກ່າວຄຳເຫັນຕໍ່ບັນດາພົນທະຫານ, ທ່ານ Fallon ໄດ້ຕີລາຄາສູງບັ້ນຮົບບຸກໂຈມຕີທາງອາກາດແນໃສ່ບັນດາເປົ້າໝາຍ IS ຢູ່ຊີຣີ. ທ່ານກໍຖືວ່າ, ຕ້ອງບຸກໂຈມຕີ IS ຢ່າງແຮງກວ່າອີກເພື່ອໃຫ້ “ຖະໜົນອັງກິດ ມີຄວາມປອດໄພກວ່າ”.