ອົງການຈັດຕັ້ງຮ່ວມມື ອິດສະລາມ ຄັດຄ້ານແຜນການສ້າງສັນຕິພາບຢູ່ຕາເວັນອອກກາງ ໂດຍອາເມລິກາສະເໜີ
(VOVWORLD) - ວັນທີ 3 ກຸມພາ, ອົງການຈັດຕັ້ງຮ່ວມມື ອິດສະລາມ (OIC) ໄດ້ຄັດຄ້ານແຜນການສ້າງສັນຕິພາບ ຢູ່ພາກຕາເວັນອອກກາງ ໂດຍທ່ານ Donald Trump ປະທານາທິບໍດີອາເມລິກາສະເໜີ, ພ້ອມທັງຮຽກຮ້ອງ 57 ປະເທດສະມາຊິກບໍ່ສະໜັບສະໜູນການປະຕິບັດເອກະສານດັ່ງກ່າວ.
 ກອງປະຊຸມ OIC ຢູ່ Istanbul ປະເທດ ຕວັກກີ (ພາບ: AFP/TTXVN) |
ຖະແຫຼງການທີ່ກອງປະຊຸມຂອງ OIC ຢູ່ ນະຄອນ Jeddah, ອາຣັບບິ ຊາອູດິ, OIC ຄັດຄ້ານແຜນການຂອງ ອາເມລິກາ ແລະ ອິດສະຣາແອັນຍ້ອນວ່າ ສິ່ງນີ້ບໍ່ຕອບສະໜອງຄວາມມຸ່ງຫວັງພື້ນຖານ ແລະ ບັນດາສິດຜົນປະໂຫຍດອັນຊອບທຳ ຂອງ ປະຊາຊົນ ປາແລັດສະຕິນ, ກໍ່ຄືໄປຝຶນກັບ ຂະບວນວິວັດການສ້າງສັນຕິພາບ. OIC ຕາງໜ້າໃຫ້ແກ່ຊາວອິດສະລາມກ່ວາ 1,5 ຕື້ຄົນໃນໂລກ ຢັ້ງຢືນອີກຄັ້ງໜຶ່ງເຖິງການສະໜັບສະໜູນຕາເວັນອອກ Jerusalem ເປັນນະຄອນຫຼວງຂອງປະເທດ ປາແລດສະຕິນ ໃນອະນາຄົດ. OIC ເນັ້ນໜັກວ່າ ສັນຕິພາບພຽງແຕ່ສາມາດບັນລຸໄດ້ເມື່ອອິດສະລາແອັນຢຸດຕິການຢຶດຄອງ, ກໍ່ຄືຖອນທະຫານອອກຈາກຜືນແຜ່ນດິນຂອງ ປາແລດສະຕິນ.