ອົງການຕາງໜ້າກະຊວງ ຕຳຫຼວດຫວຽດນາມ ປະຈຳລາວ ຈັດພິທີ ຕ້ອນຮັບບຸນປີໃໝ່ ປີມະເມຍ 2014
ທ່ານຮອງລັດຖະມົນຕີກະຊວງປ້ອງກັນຄວາມສະຫງົບລາວ ສົມແກ້ວ ສີລາວົງ
ອວຍພອນບຸນປີໃໝ່ ປີມະເມຍ 2014
(ພາບ: vietnamplus.vn)
(vovworld) - ຕອນຄໍ່າວັນທີ 17/01, ຢູ່ນະຄອນຫຼວງວຽງຈັນ, ອົງການຕາງໜ້າກະຊວງຕຳຫຼວດຫວຽດນາມ ປະຈຳລາວ ໄດ້ຈັດພິທີຕ້ອນຮັບບຸນປີໃໝ່ ປີມະເມຍ 2014.
ໂດຍຕາງໜ້າໃຫ້ນາຍພົນ, ນາຍຕຳຫຼວດກຳລັງຕຳຫຼວດຫວຽດນາມ ປະຈຳລາວ, ພົນຈັດຕາວາ ເລຮ່າຢຸງ ໃຫ້ຮູ້ວ່າ ໃນປີຜ່ານມາ, ການຮ່ວມມືລະຫວ່າງ 2 ກະຊວງບັນລຸໄດ້ຜົນງານອັນດັນດີງາມ, ປະກອບສ່ວນສຳຄັນເຂົ້າໃນຜົນສຳເລັດລວມຂອງວຽກງານຮັບປະກັນຄວາມສະຫງົບແຫ່ງຊາດ ແລະ ຄວາມເປັນລະບຽບຮຽບຮ້ອຍໃນສັງຄົມ 2 ປະເທດ. ຕາງໜ້າໃຫ້ກະຊວງປ້ອງກັນຄວາມສະຫງົບລາວ, ທ່ານກຳມະການສູນກາງພັກປະຊາຊົນປະຕິວັດລາວ, ຮອງລັດຖະມົນຕີກະຊວງປ້ອງກັນຄວາມສະຫງົບລາວ ສົມແກ້ວ ສີລາວົງ ໄດ້ສະແດງຄວາມຂອບອົກຂອບໃຈຕໍ່ພັກ, ລັດຖະບານ ແລະ ກະຊວງຕຳຫຼວດຫວຽດນາມ ທີ່ໄດ້ໃຫ້ການຊ່ວຍເຫຼືອກະຊວງປ້ອງກັນຄວາມສະຫງົບລາວ ໃນຫຼາຍປີຜ່ານມາ, ຕີລາຄາສູງອົງການຕາງໜ້າກະຊວງຕຳຫຼວດຫວຽດນາມ ປະຈຳລາວ ທີ່ໄດ້ຕັ້ງໜ້າເປັນເຈົ້າການຈັດຕັ້ງການປະຕິບັດເນື້ອໃນຮ່ວມມືລະຫວ່າງ 2 ກະຊວງ ຢ່າງມີປະສິດທິຜົນ, ປະກອບສ່ວນສຳຄັນເຂົ້າໃນການເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ສັດຊື່ບໍລິສຸດ, ຄວາມສາມັກຄີແບບພິເສດທີ່ຫາຍາກລະຫວ່າງຫວຽດນາມ - ລາວ.