(vovworld) – ຕອນຄຳ່ວັນທີ 20/4, ຢູ່ນະຄອນ ເຫ້ວ, ໄດ້ຈັດຕັ້ງພິທີອັດ Festival ເຫ້ວ 2014. ພາຍຫຼັງດຳເນີນການເຄື່ອນໄຫວມາເປັນເວລາ 9 ວັນ, ດ້ວຍບັນດາງານບຸນ, ວັດທະນະທຳສີລະປະທີ່ເປັນເອກະລັກສະເພາະ, Festival ເຫ້ວດຶງດູດແຂກເຂົ້າຮ່ວມກ່ວາ 2,4 ລ້ານເທື່ຶອຄົນ, ໃນນັ້ນມີແຂກທ່ອງທ່ຽວ 23.000 ເທື່ອຄົນ, ແຂກທ່ອງທ່ຽວສາກົນ 10.000 ເທື່ອຄົນທີ່ມາຈາກ 115 ປະເທດ ແລະ ເຂດແຄ້ວນໃນໂລກ. ລາຍການສີລະປະໃນພິທີອັດ Festival ເຫ້ວ 2014 ມີຫົວຂໍ້ວ່າ “ລຳແມ່ນ້ຳດັ່ງກ້ອງກັງວານ” ດ້ວຍການເຂົ້າຮ່ວມຂອງສະຖາບັນດົນຕີແຫ່ງຊາດ ຫວຽດນາມ, ໂຮງລະຄອນສີລະປະ ບົງແຊນ ໂຮ່ຈີມິນ, ໂຮງລະຄອນສີລະປະຂັບ ເຫ້ວ ແລະ ໂຮງລະຄອນ, ກອງສີລະປະທັງຢູ່ພາຍໃນ ແລະ ຕ່າງປະເທດ. ຄຳ່ຄືນອັດ Festival ໄດ້ສ້າງຄວາມປະທັບໃຈຢ່າງເລິກເຊິ່ງໃນໝູ່ມະຫາຊົນ ເຫ້ວ ແລະ ແຂກທ່ອງທ່ຽວ.
ກ່າວຄຳເຫັນທີ່ພິທີອັດ Festival ເຫ້ວ 2014, ທ່ານ ໂງຮ່ວາ, ຮອງປະທານຄະນະກຳມະການປະຊາຊົນແຂວງ ເທື່ອທຽວເຫ້ວ, ຫົວໜ້າຄະນະຈັດຕັ້ງ Festival ເຫ້ວ, ຢືນຢັນວ່າ: Festival ເຫ້ວ ຄັ້ງທີ 8 ປີ 2014 ປະສົບຜົນສຳເລັດອັນດີງາມ ແລະ ໄດ້ຮັບຕີລາຄາວ່າແມ່ນ Festival ປະທັບໃຈ, ສະໜິດສະໜົມ, ປອດໄພ ແລະ ເຕັມໄປດ້ວຍລັກສະນະມະນຸດສະທຳ. ທ່ານ ໂງຮ່ວາ, ເນັ້ນໜັກວ່າ:
“ການສະແດງມີລັກສະນະອາຊີບຂອງບັນດາຄະນະ, ກອງສີລະປະ ແລະ ການສະແດງຂອງບັນດານັກສີລະປະສະໝັກຫຼີ້ນ ເຖິງວ່າມີຄວາມແຕກຕ່າງກັນແຕ່ມີຈຸດລວມແມ່ນມຸ່ງໄປເຖິງຈຸດປະສົງເຊີດຊູບັນດາຄຸນຄ່າວັດທະນະທຳທີ່ເປັນມູນເຊື້ອ, ສະແດງຈິດໃຈພົວພັນແລກປ່ຽນ, ສາມັກຄີ, ເຊື່ອມໂຍງ ແລະ ພັດທະນາ, ໄດ້ນຳມາໃຫ້ກຸງເກົ່າ ເຫ້ວ ພາບພົດໃໝ່, ພະລັງຊີວິດໃໝ່, ຢືນຢັນທີ່ຕັ້ງບົດບາດແມ່ນນະຄອນ Festival ທີ່ເປັນເອກະລັກສະເພາະຂອງ ຫວຽດນາມ”